Urriaren 7an bahitutako langile thailandiar baten gorpua berreskuratu du Israelek
Israelgo Armadak Nattapong Pintaren gorpua berreskuratu zuen ostiralean. Langile thailandiarra milizia palestinar batek bahitu zuen 2023ko urriaren 7an, Israel hegoaldean.
Armadak ohar baten bidez azaldu duenez, Pinta Nir Oz kibbutzean bahitu zuen Mujahidinen Brigadak, urriaren 7ko erasoetan Hamasekin elkarlanean aritu zen taldeak.
Shiri Bibas eta Ariel eta Kfir seme-alabak mujahidinek bahitu zituzten, eta urte hasierako su-etenean utzi zituzten horien gorpuak Israelen esku.
Armadaren arabera, Pinta bahituta zegoenean hil zuten.
"Israelgo Segurtasun Agentziak (ASI edo Shin Bet) terrorista bati egindako galdeketan lortutako informazioari esker, eta Israelgo Defentsa Indarren Inteligentzia Zuzendaritzak eta Bahituen Indar Operatiboak jasotako informazioarekin egin ahal izan da operazioa", azaldu du komunikatuan.
Israel Katz Israelgo Defentsa ministroak doluminak helarazi dizkie Pintaren emazte eta senideei, eta soldaduei eskerrak eman dizkie bahituak Gazatik Israelera eramateko egindako lanagatik.
Bahituen eta Desagertuen Senideen Foroak ahal duen guztia egiteko eskatu dio Israelgo Gobernuari, oraindik Gazan dauden 55 bahituak itzultzeko. Israelen ustez, 20 bat daude bizirik.
24 hildako baino gehiago larunbatean
Bien bitartean, Israelgo Armadak gutxienez 24 palestinar hil eta dozenaka zauritu ditu Gazako Zerrendan larunbat honetan egindako erasoetan, Wafa albiste-agentziaren arabera.
Khan Yunisen izan dira eraso gogorrenak, Zerrendaren hegoaldean, eta gutxienez 12 pertsona hil eta 40 zauritu dituzte bertan, kanpin-dendak bonbardatuta.
Zure interesekoa izan daiteke
Trumpek bertan behera utzi du berotegi-efektuko gasen emisioa mugatzen zuen Obamaren irizpena
AEBko presidenteak adierazi duenez, "ibilgailu berri baten batez besteko prezioa ia 3.000 dolar murriztuko du".
"Araudia sinplifikatzea" aztertzen ari da EB, ekonomia suspertzeko
Ursula von der Leyen Europako Batzordeko presidenteak agindu du "araudia sinplifikatzeko ahalegina" egingo dutela, baina, aldi berean, beharrezkotzat jo du herrialde bakoitzak bere lege prozedurak arintzea.
Lotsa bortxatzaileek sentitu behar dutela esan du Gisele Pelicotek epaiketa ondoren emandako lehen elkarrizketan
Xabier Ormazabal Parisko korrespontsalak Pelicotek emandako elkarrizketa jarraitu du. Ez da damutzen epaiketa ateak zabalduta egiteaz eta lotsa bere bortxatzaileek sentitu behar dutela dio. Asteartean 'Eta bizipoza' liburua kaleratuko du.
Minnesotako immigrazio agenteen hedapen masiboaren amaiera iragarri du Trumpen Gobernuak
Tom Homan Donald Trump presidentearen "mugako tsarra" deiturikoak baieztatu egin du estatuan zabaldutako operatibo bereziak atzera egingo duela pixkanaka, gobernadorearen oposizioaren eta bizilagunen mobilizazioen ondotik.
Kaskoa argazkiz janzteagatik ezarritako zigorrak olinpismo modernoaren bazterrak astindu ditu
Nazioarteko Batzorde Olinpikoak Vladyslav Heraskevych skeletonista ukrainarra kanporatu du Neguko Jokoetatik, gerran hildako kirolari ukrainarren argazkiak zituen kasko batekin lehiatzeagatik, neutraltasun politikoaren arauak urratzen zituela iritzita.
Ikatza erabiltzea sustatuko duela agindu du Trumpek, eta 175 milioi dolar bideratuko ditu erregai horren instalazioetara
Ameriketako Estatu Batuetan ikatzaren erabilerak behera egin du azken urteetan, 2007an goia jo ondoren. 2022an, ikatz bidezko elektrizitate ekoizpena ia % 20 izan zen herrialdean.
NATOk 'Artikoaren Zaindaria' operazioa abiatu du Groenlandiako krisiaren ostean presentzia militarra indartzeko
Misioa Ruttek eta Trumpek adostu zuten, aliantzak eskualdeko defentsaren erantzukizun handiagoa bere gain hartu behar zuelakoan.
Estatu Batuen eta Iranen arteko negoziazioei buruzko informazioa jaso du Netanyahuk, Trumpekin bildu aurretik
Asteazken honetan Marco Rubio Estatu idazkariarekin eta Donald Trump presidente estatubatuarrarekin bildu atarian, Israelgo lehen ministroa Steve Witkoff eta Jared Kushner Ameriketako Estatu Batuetako ordezkariekin elkartu da.
Gutxienez 10 pertsona hil dira Kanadako eskola batean izandako tiroketa batean
Ustezko erasotzailea hildakoen artean dago. Columbia Britainiarreko agintariek adierazi dutenez, 25 pertsona inguru artatu dituzte bertako osasun zentroan eta beste bi ospitalera eraman dituzte, zauri oso larriekin.
Starmer Erresuma Batuko lehen ministroa hari-harian, Epstein auziaren ondorioz
Keir Starmer lehen ministroak AEBrako enbaxadore izendatu zuen Peter Mandelson laborista Epstein auziko dokumentuetan agertu ostean, hautsak harrotu dira Erresuma Batuan. Hala ere, Starmerrek ez du dimititzeko asmorik.