Israelek eta Iranek elkar bonbardatzen jarraitzen dute, baina Trumpek dio "laster lortuko dutela bakea"
Israelek Iranen aurkako azken erasoaldia hasi duenetik, 100etik gora dira herrialde persiarrean hildakoak. Iranek uste du AEBren laguntza izan duela Israelek eta akusazio horren aurren, AEB erasotzen badute "inoizko erantzunik gogorrena" jasoko dutela esan die Trumpek.
Neskatila bat zaurituta, Israelek Teheranen egindako erasoetako batean. Argazkia: EFE
Hirugarren egunez jarraian, elkar bonbardatzen jarraitzen dute Israelek eta Iranek, Ekialde Hurbila aurrekaririk gabeko gerra baterantz bultzatuz. Israelek 80 helburu bonbardatu ditu Teheranen goizaldean, eta egunean zehar hegazkin israeldarrek eraso egin diote Mashathereko aireportuari, Irango bigarren hiririk jendetsuenean. Gainera, gutxienez 5 bonba-auto lehertu dira Irango hiriburuan. Eraso horiei erantzunez, Teheranek dozenaka misil balistiko jaurti ditu Israelen aurka eta kalte handiak eragin ditu.
Irango Osasun Ministerioak adierazi du hildako eta zauritu gehienak zibilak direla, batez ere emakumeak eta haurrak, baina ez du datu zehatzik eman. Jakina dena da, gutxienez, Indar Armatuetako 15 goi-kargudun eta 9 zientzialari nuklear hil direla.
Gauzak horrela, Abas Araqchi Irango Atzerri ministroak adierazi du Israelek Irango lurraldearen aurkako erasoak geldiarazten baditu, Teheranek Estatu judua bonbardatzeari utziko diola: "Israelen erasoa gelditzen bada, gu ere geldituko gara, lurralde okupatuei erasotzea defentsa propioa izan baita", ziurtatu du.
Israelek ostiral goizaldean Iranen aurkako erasoaldia abiatu zuenetik, 100dik gora dira herrialde persiarrean hildakoak, tartean Irango Armadako buruzagiak eta ustez uranioa aberasteko proiektuetan lanean ziharduten zientzialariak.
Era berean, Israelgo indarrek jakinarazi dute Iran mendebaldean zeuden biltegi militarrei eta misilak jaurtitzeko azpiegiturei egin dietela eraso azken orduetan.
Israelgo Defentsa Indarrek azaldu dute Irango Defentsa Ministerioaren eta Defentsa Berrikuntzako eta Ikerketako Erakundearen egoitzen aurkako erasoak egin dituztela, "Irango erregimenak arma nuklearrak egiteko dituen proiektuekin lotutako" beste jomuga batzuen kontra egiteaz gain.
Irango hedabideen arabera, Teherandik gertu, Shahrango erregai-biltegietan, sute bat piztu da erasoen ondorioz.
Beste aldetik, Iranek 10 lagun hil ditu bart Israelen egin dituen erasoetan. Azken orduetan beste bi gorpu aurkitu dituzte Tel Aviv kanpoaldeko Bat Yam hirian eraitsitako eraikinetan, eta hildakoen kopurua 10eraino heldu da jada. Dena den, beste 20 pertsona omen daude desagertuta, larrialdi zerbitzuen arabera.
Ostiral gauean Iran Israeli erantzuten hasi zenetik, gutxienez 13 pertsona hil ditu Israel erdigunean eta iparraldean.
Isaac Herzog Israelgo presidenteak "erabateko dolua" agertu die hildakoen senideei: "Elkarrekin negar egingo dugu. Elkarrekin gaindituko dugu".
Israelek eta Iranek laster lortuko dutela bakea ziurtatu du Donald Trumpek
Testuingurua beldurgarria den arren, Donald Trump AEBko presidenteak adierazi duenez, "laster bakea egongo da Israelen eta Iranen artean" eta bi herrialdeak "akordio batera iritsiko dira". "Iranek eta Israelek akordio batera iritsi beharko lukete, eta akordio batera iritsiko dira, Indiak eta Pakistanek egitea lortu nuen bezala (...) Laster bakea egongo da Israelen eta Iranen artean! Dei eta bilera asko gertatzen dira orain ", idatzi du AEBko buruak Truth Social sarean.
Errezelo handiak dituzte, dena dela, Irango agintariek AEBekiko. Gaur, Abas Araqchi Irango Atzerri ministroak adierazi duenez, "froga sendoak" dituzte AEBko indarrek Israeli babesa eman ziotela Iranen aurkako erasoaldi militarrean.
Adierazpen horien aurrean, Trumpek ohartarazi du Iranek AEBri eraso egiten badio "inoiz ikusi gabeko" erantzun bati aurre egin beharko diola.
Egoera are gehiago tenkatzeko, Kataib Hezbola Iranen aldeko milizia irakiarrak ohartarazi du AEBek Iraken dituzten base militarrei eraso egingo diela Washingtonek Iranen aurkako gerran sartzea erabakitzen badu, Israelen alde egiteko.
Gogoratu behar da Teheranek eta Washingtonek Irango programa nuklearraren inguruko negoziazioak abiatu zituztela apirilaren 12an. Gaurko beste bilera bat zegoen aurreikusita, baina Iranek uko egin dio parte hartzeari, Israelen erasoak direla eta.
Azkenik, Tayyip Erdogan Turkiako presidenteak Trumpi bere burua eskaini dio bitartekari gisa, Israelen eta Iranen arteko gatazka konpontzeko.go, Israelgo Defentsa Indarrek azaldu dute Irango Defentsa Ministerioaren eta Defentsa Berrikuntzako eta Ikerketako Erakundearen egoitzen aurkako erasoak egin dituztela, "Irango erregimenak arma nuklearrak egiteko dituen proiektuekin lotutako" beste jomuga batzuekin batera.
Irango hedabideen arabera, Teherandik gertu dagoen Shahran findegian sute bat piztu da erasoen ondorioz.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.