Israelek eta Iranek elkar bonbardatzen jarraitzen dute, baina Trumpek dio "laster lortuko dutela bakea"
Israelek Iranen aurkako azken erasoaldia hasi duenetik, 100etik gora dira herrialde persiarrean hildakoak. Iranek uste du AEBren laguntza izan duela Israelek eta akusazio horren aurren, AEB erasotzen badute "inoizko erantzunik gogorrena" jasoko dutela esan die Trumpek.
Neskatila bat zaurituta, Israelek Teheranen egindako erasoetako batean. Argazkia: EFE
Hirugarren egunez jarraian, elkar bonbardatzen jarraitzen dute Israelek eta Iranek, Ekialde Hurbila aurrekaririk gabeko gerra baterantz bultzatuz. Israelek 80 helburu bonbardatu ditu Teheranen goizaldean, eta egunean zehar hegazkin israeldarrek eraso egin diote Mashathereko aireportuari, Irango bigarren hiririk jendetsuenean. Gainera, gutxienez 5 bonba-auto lehertu dira Irango hiriburuan. Eraso horiei erantzunez, Teheranek dozenaka misil balistiko jaurti ditu Israelen aurka eta kalte handiak eragin ditu.
Irango Osasun Ministerioak adierazi du hildako eta zauritu gehienak zibilak direla, batez ere emakumeak eta haurrak, baina ez du datu zehatzik eman. Jakina dena da, gutxienez, Indar Armatuetako 15 goi-kargudun eta 9 zientzialari nuklear hil direla.
Gauzak horrela, Abas Araqchi Irango Atzerri ministroak adierazi du Israelek Irango lurraldearen aurkako erasoak geldiarazten baditu, Teheranek Estatu judua bonbardatzeari utziko diola: "Israelen erasoa gelditzen bada, gu ere geldituko gara, lurralde okupatuei erasotzea defentsa propioa izan baita", ziurtatu du.
Israelek ostiral goizaldean Iranen aurkako erasoaldia abiatu zuenetik, 100dik gora dira herrialde persiarrean hildakoak, tartean Irango Armadako buruzagiak eta ustez uranioa aberasteko proiektuetan lanean ziharduten zientzialariak.
Era berean, Israelgo indarrek jakinarazi dute Iran mendebaldean zeuden biltegi militarrei eta misilak jaurtitzeko azpiegiturei egin dietela eraso azken orduetan.
Israelgo Defentsa Indarrek azaldu dute Irango Defentsa Ministerioaren eta Defentsa Berrikuntzako eta Ikerketako Erakundearen egoitzen aurkako erasoak egin dituztela, "Irango erregimenak arma nuklearrak egiteko dituen proiektuekin lotutako" beste jomuga batzuen kontra egiteaz gain.
Irango hedabideen arabera, Teherandik gertu, Shahrango erregai-biltegietan, sute bat piztu da erasoen ondorioz.
Beste aldetik, Iranek 10 lagun hil ditu bart Israelen egin dituen erasoetan. Azken orduetan beste bi gorpu aurkitu dituzte Tel Aviv kanpoaldeko Bat Yam hirian eraitsitako eraikinetan, eta hildakoen kopurua 10eraino heldu da jada. Dena den, beste 20 pertsona omen daude desagertuta, larrialdi zerbitzuen arabera.
Ostiral gauean Iran Israeli erantzuten hasi zenetik, gutxienez 13 pertsona hil ditu Israel erdigunean eta iparraldean.
Isaac Herzog Israelgo presidenteak "erabateko dolua" agertu die hildakoen senideei: "Elkarrekin negar egingo dugu. Elkarrekin gaindituko dugu".
Israelek eta Iranek laster lortuko dutela bakea ziurtatu du Donald Trumpek
Testuingurua beldurgarria den arren, Donald Trump AEBko presidenteak adierazi duenez, "laster bakea egongo da Israelen eta Iranen artean" eta bi herrialdeak "akordio batera iritsiko dira". "Iranek eta Israelek akordio batera iritsi beharko lukete, eta akordio batera iritsiko dira, Indiak eta Pakistanek egitea lortu nuen bezala (...) Laster bakea egongo da Israelen eta Iranen artean! Dei eta bilera asko gertatzen dira orain ", idatzi du AEBko buruak Truth Social sarean.
Errezelo handiak dituzte, dena dela, Irango agintariek AEBekiko. Gaur, Abas Araqchi Irango Atzerri ministroak adierazi duenez, "froga sendoak" dituzte AEBko indarrek Israeli babesa eman ziotela Iranen aurkako erasoaldi militarrean.
Adierazpen horien aurrean, Trumpek ohartarazi du Iranek AEBri eraso egiten badio "inoiz ikusi gabeko" erantzun bati aurre egin beharko diola.
Egoera are gehiago tenkatzeko, Kataib Hezbola Iranen aldeko milizia irakiarrak ohartarazi du AEBek Iraken dituzten base militarrei eraso egingo diela Washingtonek Iranen aurkako gerran sartzea erabakitzen badu, Israelen alde egiteko.
Gogoratu behar da Teheranek eta Washingtonek Irango programa nuklearraren inguruko negoziazioak abiatu zituztela apirilaren 12an. Gaurko beste bilera bat zegoen aurreikusita, baina Iranek uko egin dio parte hartzeari, Israelen erasoak direla eta.
Azkenik, Tayyip Erdogan Turkiako presidenteak Trumpi bere burua eskaini dio bitartekari gisa, Israelen eta Iranen arteko gatazka konpontzeko.go, Israelgo Defentsa Indarrek azaldu dute Irango Defentsa Ministerioaren eta Defentsa Berrikuntzako eta Ikerketako Erakundearen egoitzen aurkako erasoak egin dituztela, "Irango erregimenak arma nuklearrak egiteko dituen proiektuekin lotutako" beste jomuga batzuekin batera.
Irango hedabideen arabera, Teherandik gertu dagoen Shahran findegian sute bat piztu da erasoen ondorioz.
Albiste gehiago mundua
Marseillako aireportua itxi eta hiriaren iparraldea eta hainbat herri konfinatu dituzte, suaren ondorioz
Haize zakarrak, 30 gradutik gorako tenperaturek eta landarediaren lehortasunak, joan den asteko bero-bolada areagotuta, asko zailtzen ari da suhiltzaileen lana.
Netanyahuk Trump proposatu du 2025eko Bakearen Nobel Saria jasotzeko hautagai gisa
Hirugarren aldiz proposatu dute Trump Bakearen Nobel Saria jasotzeko. Lehenengoan, joan den ekainaren 21ean, Pakistango Gobernuak aurkeztu zuen, eta hiru egun geroago Buddy Carter kongresista errepublikanoak beste izendapen gutun bat bidali zuen Oslora.
Israelek Gazako biztanle guztiak Rafahko hondakinetan biltzeko asmoa du; bi milioi pertsona baino gehiago
Israel Katz Israelgo Defentsa ministroak iragarri duenez, "eremu humanitario berri horretan" Mawasiko kostaldean nekez bizi diren 600.000 palestinar inguru pilatuko dituzte.
Texasko Llano ibaiak gainezka egin zuen minutu gutxian; timelapse-a, hemen
Urak oso minutu gutxian egin zuen gora, eta horrek agerian uzten du Texasko erdialdeko hondamendiaren tamaina. Uholdeek 82 hildako utzi dituzte gutxienez, 21 adingabe barne.
82 hildako zenbatu dira oraingoz uholdeen ondorioz, Texasen
Kerren 68 hildako zenbatu dituzte, eta 14 inguruko konderrietan. Greg Abbott Texasko gobernadoreak jakitera eman duenez, gutxienez 41 pertsona daude agertu barik.
BRICSek multilateralismoa babestu dute eta gerrak, zigorrak eta muga-zergak gaitzetsi dituzte
'Rio de Janeiroko Adierazpena' izeneko dokumentua adostu dute igande honetan Brasilgo hirian bildu diren garapen bidean dauden herrialdeen BRICS taldeko buruzagiek. Dokumentu horretan islatuta utzi dute "munduko hainbat tokitan gaur egun dauden gatazkengatik eta nazioarteko ordenaren polarizazio eta zatiketa egoeragatik" duten kezka.
70 dira dagoeneko Texasko uholdeetan hildakoak, tartean 21 haur, eta dozenaka daude desagertuta
Uda Camp Mystic kanpamentu kristauan pasatzen ari ziren hamaika adingabe eta gazte oraindik desagertuta daude. Estatuko meteorologia zerbitzuak datozen orduetan euri jasa gehiago izango direla ohartarazi du, eta baliteke gainezka egitea.
Irango buruzagi gorena berriro agertu da jendaurrean, Israelekin gerra hasi zenetik lehen aldiz
Ali Khamenei islamaren adar xiitako fededunen ospakizun baten bezperan agertu da, Teheranen.
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.