Trumpek Espainiako produktuei ezarritako muga-zergak areagotzeko mehatxua egin du, Defentsarako gastua % 5era igo ezean
AEBko presidenteak ziurtatu du Espainiarekin merkataritza akordio berria negoziatuko duela, Pedro Sanchezek gastu militarra % 5era igotzeari uko egin diolako, NATOren bileran estatu guztiek adostatukoaren kontra.
Donald Trump AEBko presidentea oso kritiko agertu da Espainiarekin NATOren bilera osteko prentsaurrekoan, Sanchezek BPGaren % 5 gastu militarrera bideratzeari uko baitio.
Aliantza militarraren goi-bileran, estatu guzti-guztiek sinatu dutenaren arabera, "defentsa kolektiboarekin duten konpromiso hautsiezina" berretsi dute, eta 2035erako BPGaren % 5 Defentsara bideratzeko konpromisoa hartu dute. Espainiak ere izenpetu du konpromisoa.
Bileraren ostean, Pedro Sanchezek berretsi du Espainiak bere ibilbide-orriari jarraituko diola eta BPGaren % 2,1 bideratuko duela.
Trumpen arabera, "izugarria da" Espainiak egin duena. "Dena ordainduko ez duen herrialde bakarra da. Oso ondo egiten ari dira, euren ekonomia oso ondo doa, eta zerbait txarra gertatuz gero bertan behera gera liteke. Ordainduko ez duen herrialde bakarra da, ez dakit zein den arazoa", esan du.
AEBko presidenteak Espainia gustuko duela eta Espainiako jende asko ezagutzen duela esan du kazetarien galderei erantzunez, baina ezezkoa "bidegabea" iruditzen zaio.
Carlos Cuerpo Espainiako Ekonomia ministroak ez du Trumpen mehatxua zuzenean aipatu, baina gogorarazi du aldebiko harremanak AEBren eta Europar Batasunaren artean egiten direla, eta Europako Batzordeari dagokiola muga-zergak negoziatzea.
"Guretzat oso garrantzitsua da Europar Batasunaren eta Estatu Batuen arteko aldebiko harremanen negoziazioetan aurrera egiten jarraitzea, bidezkoa eta orekatua izango den akordio bat lortzeko", esan du.
Yolanda Diaz Espainiako Gobernuko bigarren presidenteordeak azpimarratu du Espainia "subiranoa" dela eta ez duela "inoren mehatxurik" onartzen. "Ez dugu defentsako gastua handituko Donald Trump pozik egon dadin. Gure lehentasuna gastu soziala da, eta Espainiako herriaren alde egiten dugu", idatzi du.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.