Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Brasilgo Auzitegi Gorenak Jair Bolsonaro presidente ohi ultraeskuindarrari kautelazko neurri berriak ezarri dizkio, horien artean orkatilako elektroniko bat jarri dio mugimenduak zaintzeko. Honenbestez, Latinomaerikako estatuaren Justiziak ez dio Donald Trump Ameriketako Estatu Batuetako presidenteari jaramonik egin.
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen arabera, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu, eta lagundu du".
Trumpek Hego Amerikako estatuari % 50eko muga-zergak ezartzeko mehatxua egin zuen, gutun publiko batean, Bolsonaroren aurkako "sorgin-ehizatzat" jotzen duena bertan behera uzten ez badu eta epaiketari amaiera ematen bazaio. Beraz, Goreneko epaileak erreferentzia argia egin dio AEBko handi-mandiaren mehatxuari.
Bolsonarori Polizia Federalaren egoitzan jarritako orkatilakoaz gain, Moraesek beste kautelazko neurri batzuk ezarri dizkio.
Kautelazko neurriak
Horrela, bere etxean egon beharko du gauez, ezin izango ditu bere sare sozialak erabili , ezta atzerriko diplomatikoekin harremanetan jarri, enbaxadetara hurbildu edo beste auzipetu batzuekin hitz egin ere, tartean bere seme eta diputatu Eduardorekin.
Diputatua funtsezkoa izan da erabaki horietarako; izan ere, AEBn dagoenetik, Eduardok harremanak izan ditu Trumpen inguruko politikariekin eta Estatu Departamentuko funtzionarioekin, bere aitarentzat "justizia" bilatzeko.
Moraesen arabera, Eduardo Bolsonaroren joan-etorriak bere aitak finantzatu ditu, "Gorenaren funtzionamendua Ameriketako Estatu Batuen esanetara jartzeko ahalegin nabarmenean", Jairren aurkako auzia "artxibatzeko/iraungitzeko".
Jair Bolsonaro ultraeskuindarra, Brasilgo presidente ohia. Argazkia: EFE
Polizia Federalaren egoitzatik atera ostean, Bolsonarok hitz-jokoa egin du, eta kazetariei "umiliazio gorena" egin diotela adierazi die.
Bere errugabetasuna berretsi du, bere kontrako epaiketa "politikoa" dela eta 2022ko hauteskundeetan Luiz Inacio Lula da Silva egungo agintariak garaitu ostean demokraziaren aurka konspiratu ez zuela esan du.
Lulak ekitaldi publiko batean parte hartu du gaur, baina saihestu egin du Bolsonaroren aurkako erabaki judizial berria aipatzea.
Ostegunean irrati eta telebista bidez igorritako mezu batean, aldiz, Trumpek prozesu judizialaren aurrean duen jarrera "xantaia onartezina" dela esan zuen Lulak, "Brasilgo erakundeei mehatxu eginez, eta bi herrialdeen arteko merkataritzari buruzko informazio faltsuak zabalduz ".
Brasilek "botere judizial independentea" duela eta bere erabakietan "esku hartzen saiatzea subiranotasun nazionalaren aurkako eraso larria" dela ziurtatu zuen buruzagiak.
Zure interesekoa izan daiteke
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.
Tentsioa gorenean da Hegoaldeko Txinako Itsasoan, defentsa eta botere militarraren bidegurutzean
Estatu Batuetako eta Txinako indarren artean talka arriskua eragin dezakeenik badago, Hegoaldeko Txinako Itsasoa da. Pekinek ur horien zati bat beretzat nahi du, bederatzi puntuko lerro bat eginez, Taiwan, Filipinetako zati bat eta uharte artifizialak eraiki dituen uhartetxoak barne. Horrek talka egiten du hainbat herrialderen subiranotasunarekin, hala nola Filipinak, Vietnam eta Malaysia. Horren aurrean, AEBk presentzia militarra sendotu du eremu horretan. Mikel Reparaz, EITBren Nazioarteko arloburua, bertan izan da.