Dagoeneko 100 lagun baino gehiago hil dira goseak jota Gazan, eta 1.000 baino gehiago hil dituzte janaria lortzen saiatzen ari zirenean
Azken 24 orduetan 15 pertsona hil dira, lau ume barne, goseagatik eta desnutrizioagatik. Horrela, goseak 101 hildako utzi ditu jadanik, tartean 80 haur.
GHF fundazio polemikoaren banaketa eremu batetik gertu hildako palestinarrak. Argazkia: EFE
Gazako Zerrendako agintariek salatu dutenez, dagoeneko 100 pertsona baino gehiago, tartean 80 ume, goseak jota hil dira, Israelek Palestinako lurralde horren aurka egindako erasoen eta palestinarrei laguntza humanitarioa emateko muga zorrotzen ondorioz.
Gazako Osasun Ministerioak adierazi duenez, azken 24 orduetan 15 pertsona hil dira goseagatik eta desnutrizioagatik, lau haur barne. Horrela, goseak jadanik 101 hildako utzi dituela erantsi du.
Hala, Palestinako Errefuxiatuentzako Nazio Batuen Agentziak (UNRWA) salatu duenez, Gazako langile humanitarioak zein medikuak eta kazetariak "konortea galtzen ari dira gosearen eta akiduraren ondorioz".
Philippe Lazzarini, UNRWA-ko ordezkari nagusia
Frankotiratzaileek hiltzeko baimena balute bezala egiten dute tiro jendetzaren aurka, inpunitate osoz ehizatzen dituzte pertsonak
Gainera, janaria eskuratzen saiatzen ari zirela hil dituzten herritarren kopurua milatik gorakoa da, maiatzean Gazako Fundazio Humanitario polemikoa (GHF) Zerrendan lanean hasi zenetik, UNRWAk ohartarazi duenez. Agentziaren esanetan, laguntza humanitarioaren banaketa "ez da mertzenarioek egin beharreko lana".
"Frankotiratzaileek hiltzeko baimena balute bezala egiten dute tiro jendetzaren aurka, inpunitate osoz ehizatzen dituzte pertsonak", salatu du Philippe Lazzarini agentziako ordezkari nagusiak ohar batean. Israelek Lazzariniri Zerrendan sartzea eragozten dio.
Kanpin-denden aurkako bonbardaketak
Bestalde, gutxienez 14 pertsona hil eta beste 25 zauritu ditu Israelek Al Shatiko errefuxiatu-eremuaren iparraldean, Gaza Hiriaren mendebaldean, errefuxiatuentzako kanpadenden aurka egindako bonbardaketa batean, Wafa albiste agentzia palestinarrak gaur jakitera eman duenez.
Palestinako hedabideek jakinarazi dutenez, Israelek bi gazatar hil ditu Deir al Balahren aurka egindako beste eraso batean, Zerrendako erdialdean.
Israelgo tankeek aurrera egin dute azken orduetan, orain arte Israelen lurreko erasoetatik kanpo geratu den hiri honen bihotzeraino.
Armada sionistak gaur baieztatu duenez, bere tropak astelehenean sartu ziren Munduko Osasun Erakundeak (MOE) Deir al Balako langileei ostatu emateko erabiltzen duen eraikin batean, Zerrendaren erdialdean. MOEk hiru eraso salatu zituen astelehenean, bonbardaketak barne, Deir al Balako instalazioetan, eta Israelgo indarrek bi langile atxilotu zituztela baieztatu zuen.
Mugarik Gabeko Medikuak erakundeak salatu du langileen senideen artean hildakoen ia erdiak haurrak direla
Azkenik, Israelek Gazaren aurka egindako erasoetan Mugarik Gabeko Medikuak erakundeko langileen eta senideen artean izandako hildakoen ia erdiak haurrak dira, gobernuz kanpoko erakundeak berak gaur salatu duenez.
Erakundeak azpimarratu duenez, duela ia 22 hilabete Israelen erasoa hasi zenetik, langileen eta senideen artean lau heriotzatik hiru israeldarren leherketek eragin dituzte. Hildakoen artean, "% 48 umeak ziren, eta % 40 10 urtetik beherakoak", gaineratu duenez.
Palestinako suntsipen mailari dagokionez, gobernuz kanpoko erakundeak salatu du inkestatutako familien % 2k bakarrik mantentzen duela bere etxebizitza osorik. Bien bitartean, % 59k etxebizitza erabat galdu du, % 39k kalte partzialak jasan ditu, eta % 41 kanpin-dendetan bizi da.
Zure interesekoa izan daiteke
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.
Elon Muskek onartu du xAIk OpenAIren modeloak erabili dituela Grok entrenatzeko, destilazio bidez
Destilazioa AA modelo baten ikasitakoak beste bati transmititzeko praktika da; horrela, modelo txikiago batek sare neuronal handiagoen jokabidea imita dezake.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.
Trump, Italian eta Espainian dituen tropa estatubatuarrak erretiratzeaz: "Zergatik ez nuke egin behar?"
Ameriketako Estatu Batuetako presidentearen ustez, Europako herrialde batzuek ez diote lagundu behar izan duenean, Washingtonek Ukrainako gerran lagundu arren, AEBrekin "zerikusirik" ez badu ere.
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan egin du, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte. Azken orduetan, Greziako hondartza batean utziko dituztela jakinarazi dute. Israelen eta inguruetan dauden Espainiako enbaxadak aktibatuta daude bertako pasaportea duten atxilotuak artatu ahal izateko.
Teknofaxismoa ala utopia teknologikoa: Zer da Palantir manifestu futurista?
Silicon Valleyn egoitza duen Palantir Technologies enpresak 22 puntutan laburbildu du Peter Thiel eta Alex Karp tekno-oligarken demokraziari buruzko ikuspegia. Derrigorrezko zerbitzu militarra aldarrikatzen dute, baita adimen artifizialean oinarritutako disuasio militarra ere. Pentsalari batzuek teknofaxismoarekin lotu dute.
Muskek, munduko gizonik aberatsenak, "inozoa" izan zela dio, OpenAI finantzatzeagatik
Muskek bataila legal bati ekin zion 2024an ChatGPTren ardatz den enpresaren, Sam Altman eta Greg Brockman fundatzaileen, eta horien bazkide nagusi Microsoften aurka. Kontratua ez betetzea eta bidegabe aberastea leporatzen die. Bigarren egunez ari da deklaratzen Oaklandeko gorte federal batean (Kalifornia).