Israelek 'Handala' ontzia atzeman du nazioarteko uretan eta blokeoa hausteko Gazara iritsi nahi zuten 21 ekintzaileak atxiki ditu

Askatasunaren Ontzidia koalizioak salatu duenez, Israelgo Armadak Handala itsasontzia geldiarazi du bart gauerdian, Gazara zihoala, Israelen blokeoa hautsi eta laguntza humanitarioa emateko asmoz.

"Israelgo okupazio indarrek Handala  geldiarazi dute", idatzi du erakundeak X. kontuan. Aurretik, tripulatzaileetako batek, Emma Fourreau Europako Parlamentuko diputatu frantziar-suediarrak, sare sozial berean idatzi zuen Israelgo Armadak ontzia Gazako kostaldetik 115 kilometrora nazioarteko uretan abordatu zuela esanez. 

Abisua jaso eta minutu gutxira, Ontzidiak beste hainbat mezu bat argitaratu ditu ondoren, Handalako tripulazioko kide bakoitzaren bideo aurregrabatuekin, zeinetan azaltzen duten Israelek "bahitu" dituela. Bideo horietan, Israelgo Armadak "legez kanpo atzeman eta bahitu" dituztela adierazi dute, eta nork bere herrialdeko Gobaernuari hura eta itsasontzian zeuden gainerako ekintzaile propalestinoak askatzeko esku har dezatela eskatzen dute.

Askatasunaren Ontzidiko 'Handala' ontziko ekintzaileak Adalah Zentroko abokatuekin bildu dira dagoeneko, Ashdodoko portuan.

"Behin eta berriz eskatu ondoren, Adalah Zentroko abokatuak atxilotutako 19 boluntariorekin bildu dira", 'Handala' ko tripulazioa osatzen zuten 21 boluntarioetatik, Ge Yipeng Askatasunaren aldeko Flotillako kideak igande honetan X kontuan argitaratutako ohar baten arabera.

Gainerako bi ekintzaileak, Bob Suberi eta Huwaida Arraf israeldar-estatubatuarrak, polizia-etxera eraman dituzte; han zentroko beste abokatu bat dago eurekin, lege-laguntza emateko.

Erakundeak ziurtatu duenez, Gazara ekintzailez beteta zihoan Flotillaren Handala ontziak 12 ordu eman zituen itsasoan, Israelgo Armadak abordatu ostean, Israelek Ashdodeko portura iritsi dela jakinarazi duen arte.

"Ontzia nazioarteko uretan atzeman zuten, eta hura atxikitzea nazioarteko zuzenbidearen urraketa argia da", salatu du Adalahk.

Flotillak larunbateko azken orduan salatu zuen Handala ontzia Gazako kostaldetik 40 itsas miliara (74 kilometro inguru) atxilotu zutela. Adalahk, bere aldetik, beste komunikatu batean azpimarratu zuenez, Flotilla "ez zen inoiz Israelgo uretan sartu, eta ez zen inoiz bere asmoa izan".

Adalahren arabera, larunbateko 23:43an (20:43 GMT), Israelgo indarrek itsasontzian instalatutako kamerak itzali zituzten, zuzenean transmititzen zutenak, eta ordutik ontziarekin komunikazio guztia galdu zen.

Handala uztailaren 13an abiatu zen Sirakusatik (Italia) Gazako Zerrendara, Israelek enklabean aguntza humanitarioari ezarritako blokeoa hausteko. Izan ere, laguntza humanitarioren krisiaren ondorio zuzena den goseteak are gehiago larriagotu du egoera Gazan, 2023ko urritik desnutrizioak eragindako heriotzak 130 baino gehiago izan baitira.

Handala ontzian 21 ekintzaile zihoazen, orainn atxilotuta daudenak: sei estatubatuar, lau frantziar, bi italiar, bi espainiar, bi australiar, norvegiar bat, tunisiar bat, frantziar britainiar herritar bat, marokoar bat eta alemaniar-estatubatuar bat.

Joan den ekainaren 9an, Askatasunaren Ontzidiko beste ontzi bati, Madleen ontziari, nazioarteko uretan eraso zion Israelek, eta tripulatzaile guztiak atxilotu zituen.