AEBk Venezuelatik ateratako bigarren ontzi bati eraso egin dio, droga zeramala argudiatuta
Donald Trumpek jakinarazi duenez, kokaina eta fentaniloa zeraman ontziak eta erasoan barruan zihoazen hiru pertsona hil dira. Bestalde, Nicolas Madurok nabarmendu du herrialdea "borroka armaturako" prestatuago dagoela AEBk Venezuelari eraso egiten badio.
Donald Trump AEBko presidenteak astelehen honetan jakinarazi duenez, bere herrialdeak ustez drogaz beteta Venezuelatik ateratako ontzi bati eraso egin dio Karibe itsasoan. Denbora gutxian AEBk Karibe itsasoan egiten duten bigarren erasoa da.
"Gaur goizean, nire agindupean, Estatu Batuetako Indar Militarrek bigarren eraso bat egin dute narkotrafikoko kartelen eta identifikatutako narkoterroristen aurka, Hegoaldeko Komandoaren ardurapeko eremuan", zehaztu du agintariak Truth Social plataforman.
Trumpen arabera, ontzia nazioarteko uretan zegoen ontzia eta, erasoan, hiru "terrorista" venezuelar hil dira.
Ondoren Bulego Obalean egindako adierazpenetan, Trumpek adierazi du operazioaren bideoak erakusten duela ontziak kokaina eta fentaniloa bezalako droga zeramatzala.
Bestalde, Nicolas Maduro Venezuelako presidenteak bere herrialdea "borroka armatu" baterako "prestatuago" dagoela adierazi du, baldin eta AEBk eraso egiten badio. Narkotrafikoari aurre egitea aitzakia gisa hartuta, jardun militarra martxan du AEBk. Dena den, Venezuelan "erregimen aldaketa" bultzatzeko aitzakia bat baino ez dela uste du Madurok.
Eraso horren aurrean, Venezuelak "defentsarako eskubide legitimoa" duela aldarrikatu du Madurok.
Zure interesekoa izan daiteke
Frantziako Gobernuak ohartarazi du ordena publikoaren kontrako istiluak izateko “arrisku handia” dagoela larunbatean
Maria Corina Machadok eskerrak eman dizkio AEBri Venezuelan "askatasunari" atea irekitzeagatik
Netanyahuk eta Eisenkotek Israelgo bozetan atzerriko eragileen esku-hartzea izan den ala ez ikertzeko eskatu dute
Flavio Bolsonarok "Brasilgo presidente hautatu" izendatu du bere burua, eta gero atzera egin du
Bolsonaro AEBra heldu da, Brasilgo Justiziatik ihesi
Zeintzuk dira Israelen Gobernua osatzeko hurrengo urratsak?
Legea gogortzea erabaki du Frantziako Senatuak, arpilatzeak eta istiluak saiheste aldera
Israelek hautestontziak itxi ditu, lau hamarkadatan izandako parte-hartze handienarekin
Albiste izango dira: hauteskundeak Israelen, bilera erabakigarria Tubos Reunidosen etorkizunerako eta Durangoko Auzokaren aurkezpena
