Zer negoziatuko da igande honetatik aurrera Gazako bake planari buruz?
Donald Trumpek proposatutako 20 puntuko plana ez dute erabat onartu palestinarrek; izan ere, Hamasek negoziatzea eskatu du airean geratuko liratekeen gai batzuen xehetasunak.
Gazako Zerrendarako bake plana negoziatuko dute igande honetatik aurrera. Estatu Batuetako ordezkariak larunbat honetan abiatu dira Kairoko bilerara (Egipto), Steve Witkoff buru dutela.
Horretan, negoziatzaile israeldar eta arabiarrekin batera, estatubatuarrek parte hartuko dute Donald Trump AEBko presidenteak bultzatutako 20 puntuko planaren inguruko negoziazioetan.
Hala, Benjamin Netanyahu ministro israeldarrak eta indar palestinarrek onartu zuten. Azken horiek, gatibu israeldarrak askatzea ere onartu zuten.
Planak gerraren amaiera du helburu. Ostean, Donald Trumpek eta Tony Blairrek, EBko lehen ministro ohiak, hartuko lukete "trantsizio gobernu" baten buruzagitza. Hala ere, horretarako egun diren bahitu guztiak askatu beharko lituzkete; alegia, Hamasek dituenak eta baita Israelek dituen biziarteko 250 kartzelatuak eta beste 1.700 atxilotuak ere.
Ostiral honetan bertan, Trumpek igandera arteko epea eman zion Hamasi proposatu zuen bake plana onartzeko, edo, bestela, talde islamistaren aurka "inoiz ikusi ez den infernua" piztuko zela ohartarazi zuen.
Orokorrean eragile guztiek onartu duten arren, oraindik ere puntu batzuetan hiru negoziatzaileak ados jarri beharko dira Gazako Zerrendak pairatzen duen genozidioarekin amaitzeko.
Donald Trumpen planaren onarpena, beraz ez da erabatekoa Palestinako lurretan, Hamasek airean geratuko liratekeen gai batzuen inguruko xehetasunak negoziatzeko eskatu baitu.
1. Laguntza humanitarioa
Alde batetik, laguntza humanitarioarekin zer gertatuko den zehaztea falta da; hau da, berriz ere nazioarteko erakundeen esku egongo den.
2. Palestinaren etorkizun politikoa
AEBko presidenteak egindako "trantsizio gobernuaren" proposamena gorabehera, ez dago erabat argi zein izango den palestinarren etorkizun politikoa. Horren arabera, Donald Trump eta Tony Blair buru dituen "bake batzorde" batek gidatuko luke gobernu berria.
Gainera, etorkizuneko gobernuak "egonkortzeko bake-indar" bat izango luke, eta soldadu hebrearrak ere izango lituzke bertan.
Hamasek, ordea, eskatu du palestinarrez zuzendutako gobernua izatea.
3. Hamasen desegitea
Hogei puntuz osatutako planaren arabera, Hamasek armak entregatu beharko lituzke, aktore politiko izateari utzi eta erbesteratu. Erabaki horrek ez du talde palestinarra erabat konbentzitzen.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.