Israelek "ia egunero" urratzen du Libanoko su-etena, NBEk ohartarazi duenez
Israelgo Defentsak 500 aire-eraso baino gehiago egin ditu su-etena indarrean sartu zenetik, Hezbollahren kontra izan direla argudiatuta. Nazio Batuen Erakundeak 108 zibil hil direla egiaztatu du, 37 emakume eta haur tartean.
NBEko aditu talde bat atsekabetuta agertu da ostiral honetan Israelek Libanoren aurka "ia egunero" egiten dituen bonbardaketen eta droneak erabiliz egiten dituen erasoen aurrean, 2024ko azaroan bi herrialdeek su-etena sinatu zuten arren.
Su-etana indarrean sartu zenetik, Israelgo Defentsa Indarrek 500 aire-eraso baino gehiago egin dituzte inguruan, Hezbollahren kontra zirela argudiatuta. "Israelek behin eta berriz egindako erasoek eta Libanoko lurraldearen okupazio partzialak eskolak, osasun zentroak eta gurtzarako lekuak jo dituzte, eta zibilei ohiko bizitza berreskuratzea eragotzi diete", salatu du aditu taldeak.
Horren aurrean, Libanon 108 zibil hil direla egiaztatu du NBEren Giza Eskubideen Bulegoak, 37 emakume eta haur tartean. Gainera, adituek ohartarazi dute Israelen jokabidea Libanoko agintarien ahaleginen aurka doala, Libanoko talde armatu guztien armagabetzea gerta dadin.
Giza eskubideetan adituak ere kezkatuta agertu dira Israelgo Gobernuaren erantzun eta lankidetza faltagatik eta "nazioarteko zuzenbidearekiko etengabeko mespretxuagatik", Libano hegoaldetik erretiratzeko borondatean "oso gutxi" egin baitu aurrera.
80.000 pertsonak baino gehiagok jarraitzen dute Libanon, etxera itzultzeko aukerarik gabe, eta Israelgo iparraldean 30.000 pertsona daude.
Zure interesekoa izan daiteke
Muga-zergekin zigortutako Europako zortzi herrialdeak: "Groenlandiara tropak bidaltzea ez da inorentzat mehatxu"
Danimarkako, Finlandiako, Frantziako, Alemaniako, Herbehereetako, Norvegiako, Suediako eta Erresuma Batuko gobernuek ohar bateratu batean diotenez, Groenlandiara tropak bidaltzea "Artikoan segurtasuna indartzea du asmo". Ingurumari horretan, EBko enbaxadoreek bilera egin dute, muga-zergei eman beharreko erantzuna adosteko.
% 45,51ko parte-hartzea 16:00ak arte Portugalen, bi hamarkadatan izan den handiena
Azken hauteskunde lehiatuenetarikoa da gaurkoa, hiru hautagai ia berdinduta baitaude inkestetan. Datuak berretsiko balira, bigarren itzulira joan beharko lirateke hautagaiak.
AEBn bizi diren etorkinak kezkatuta, deportatzeko asmoa betetzen ari delako Trump
Maria mexikarra da, 38 urte ditu, eta deportatua ez izateko baimen berezi bati esker dago AEBn. Kezkatuta dago, ordea, immigranteak deportatzeko asmoa betetzen ari delako Trump, milaka agente kontratatuta. Beldurra baliatzen dute askotan: aurpegia estalita eramaten dute, armak eskuan eta oso modu bortitzak erabiltzen dituzte.
Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"
Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.
AEBko Alderdi Demokrata Groenlandiako aliatuen aurkako muga-zergak galarazten saiatuko da Senatuan
Chuck Schumer Goi Ganberako buruzagi demokratak "ergelkeriatzat" jo du Trumpen mehatxua.
Europako herrialdeak igande honetan bilduko dira, Trumpen "mehatxuak" eta "xantaia" gaitzetsi ondoren
Trumpen neurriei erantzun bateratua emateko asmoa dute kaltetutako herrialdeek. AEBko presidentearen "mehatxu onartezinak" kritikatu dituzte, eta Frantziako agintaria Europako gainerako buruzagiekin bilduko da, "irmotasuna" erakusteko asmoz.
Jameneik esan du "milaka pertsona" hil direla protestetan, eta Trumpi egotzi dio horren ardura
Irango buruzagi gorenak nabarmendu duenez, "gertaera oso ankerrak jazo dira, hala nola gazteak meskitetan giltzapetzea eta bizirik erretzea, edo neskato, gizon eta emakume babesgabeak hiltzea, atzerritik hornitutako armekin". Testuinguru horretan, Iranen "gobernu berri bat ezartzeko unea" dela adierazi du Trumpek.
Trumpek ezarritako muga-zergei "erantzun bateratua" eman nahi die EBk
Antonio Costa Europako Kontseiluko presidenteak adierazi duenez, Europak "oso jarrera irmoa izango du beti nazioarteko zuzenbidearen defentsan, edonon dela ere, eta, jakina, EBko estatu kideen lurraldetik hasita".
Netanyahuk dio AEBk ez zuela Israelekin koordinatu Gazarako Batzorde Exekutiboaren iragarpena
Ohar batean, tonu kritikoan hitz egin du AEBko Administrazioari buruz. Dena den, ez du sakondu Israelgo Gobernuak AEBeko presidenteak iragarritako zerrendarekin dituen desadostasunen inguruan.
Milaka lagun kalera atera dira Danimarkan eta Groenlandian Trumpen asmoen kontra protesta egiteko
Milaka pertsona bildu dira eguerdian Kopenhageko udaletxearen aurrean, eta protestak izan dira Aarhusen, Aalborgen, Odensen eta Koldingen. Arratsaldean beste manifestazio bat egin dute Groenlandiako hiriburuan, Nuuken.