Astelehenean ekingo diote COP30ari Brasilen, negazionismoaren olatua geldiarazteko helburuarekin
NBEaren goi bileraren helburu nagusia 10 urte bete berri dituen Parisko Akordioa berrestea izango da; alegia, industria aurreko mailarekin alderatuta, planetaren berotzea 1,5 gradura mugatzea.
NBEren hogeita hamargarren klimaren goi-bilera (COP30) astelehen honetan hasiko da ofizialki Brasilgo Amazonian, Belem hirian. Helburuen zerrenda luzea da, baina, batez ere, gero eta handiagoa den negazionismoari aurre egin nahi diote.
170 bat herrialdetako ordezkariek parte hartuko dute testuinguru konplexuan iritsi den topaketan: aldaketa geopolitiko sakonak gertatzen ari dira, gatazka armatuen kopurua inoizko handiena da, zerga eta eztabaida komertzialak lehen lerroan daude eta berotze globalari buruzko batasunik ez dago.
Lehen aldia da, gainera, honelako konferentzia klimatiko bat planetako baso tropikal handienean egiten dela. Tenperatura globala erregulatzeko ezinbesteko ekosistema da, baina deforestazioak eta legez kanpoko meatzaritzak gehien mehatxatzen duten ekosistemetako bat ere bada.
Ostiralean, munduko liderrak trantsizio energetikoari buruz eztabaidatzen ari ziren bitartean, aurrekaririk gabeko tornado batek gutxienez sei hildako eta 784 zauritu eragin zituen Parana estatuan, Brasil hegoaldean.
Igande honetan, berriz, Filipinetan, ia milioi bat pertsona ebakuatu dituzte supertifoi bat dela eta, 220 hildako utzi zituen beste bat jasan eta bi egunera.
Gauzak honela, Antonio Guterres NBEko idazkari nagusiak bere ezkortasuna adierazi zuen ostegunean, COP30eko liderren goi-bileraren hasieran, tenperaturaren igoera 1,5 ° C-ra mugatzeko helburua lortzearen inguruan. "Porrot morala izango da", esan zuen.
Partaideek bost ardatzen inguruan eztabaidatuko dute:
- Erregai fosilak uztea
- Nola amaitu baso-soiltzearekin
- Finantzaketa klimatikorako tresnak nola finkatu
- Egokitzapen-politikak nola ezarri
- Multilateralismoa
AEB da gehien kutsatzen duen herrialdeetako bat eta Donald Trump presidenteak ukatu egiten du krisi klimatikoa. Ez zuen parte hartu joan den ostegunetik ostiralera egin zen goi-bileran, eta oraindik ez dakite ordezkaritzarik bidaliko al duen Belemgo konferentziara.
Negoziazioak hilaren 21era arte luzatuko dira berez, baina egun gutxi batzuk gehiago luzatzeko aukera ere egongo da.
Zure interesekoa izan daiteke
Trumpek adierazi du bat datorrela Xi Jinpingekin Irango gerrari amaiera emateko eta Ormuz berriz irekitzeko beharrarekin
Txinako hiriburuan egin den topaketa Irango krisian eta horrek merkataritza globalean dituen ondorioetan oinarritu da, Ormuzeko itsasarteari arreta berezia eskainiz.
Munduko Futbol Txapelketan bero izugarria izan daitekeela ohartarazi du ikerketa batek, eta egutegia berriz planteatzeko eskatu diote FIFAri
2026ko Munduko Futbol Txapelketako partiden laurdenean bero izugarria egin behar du, eta arriskutsua izan daiteke. Estatu Batuek, Mexikok eta Kanadak antolatuko duten txapelketan jokalari eta zaleek izango dituzten arriskuez ohartarazi du ikerketa zientifiko batek.
Xik Trumpi ohartarazi dio Taiwanekiko harremanak "txarto kudeatzea" bi herrialdeen arteko gatazka ekar dezakeela
AEBko eta Txinako presidenteek eta bi herrialdeetako ordezkariek bilera egin dute gaur goizean, sintonia onean. Horren emaitza da Trumpek egin duen iragarpena: hilabete batzuen buruan beste bilera bat egingo dute, Washingtonen.
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da. Hortaz, Ambition gurutzaontziak bidaia jarraituko du, eta, dena ondo bidean, datorren astelehenean iritsiko da Getxora.
Trump Pekinera iritsi da: Bi egun emango ditu han eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, Air Force One hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handietako ia hogei enpresaburu.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.