Kolonbian ekintza militar estatubatuarraren "benetako mehatxua" dagoela ohartarazi du Petrok
Narkotrafikoari aurre egiteko herrialde horrek ez duela nahikoa egiten ohartarazi du berriki AEBko presidenteak, Venezuelari eraso egin ostean. Bi agintariek telefonoz hitz egin zuten asteazkenean.
AEBk Kolonbiaren aurka ekintza militar bat gauzatzeko "benetako mehatxua dago", Gustavo Petro Kolonbiako presidentearen ustez. Hala adierazi du Venezuelari eraso egin eta Nicolas Maduro atxilotu ostean.
Petrok dio AEBk beste herrialde batzuk "inperio" gisa tratatzen dituztela, eta lehen potentzia globalak "mundua menderatzetik, isolatuta geratzeko arriskua" duela.
Venezuelan esku hartu ostean, Donald Trump AEBko presidenteak esan zuen Kolonbiaren aurkako operazio militar batek "itxura ona" izango lukeela, eta Petrori ohartarazi zion erne egon beharko lukeela.
Bi agintariek telefonoz hitz egin zuten asteazkenean, eta, horren ostean, Etxe Zurian etorkizun hurbilean hartuko duela aurreratu zuen buruzagi errepublikanoak.
Petrok esan zuen dei horrek ordubete baino zertxobait gutxiago iraun zuela, eta Kolonbiako narkotrafikoari, Bogotak Venezuelari buruz zuen ikuspegiari eta Latinoamerikak AEBrekiko duen egoerari heldu ziela.
AEBko delinkuentziaren errua immigrazioari botatzen dio Trumpek. Hori dela eta, Immigrazio eta Aduanen Kontrolerako Zerbitzuaren (ICE, ingelesez) funtzioak handitu ditu, eta Kolonbia eta Venezuela bezalako herrialdeei narkotrafikoari aurre egiteko nahikoa ez egitea aurpegiratu die.
Asteazkenean, ICEko agente batek tiroz hil zuen Renee Good 37 urteko estatubatuarra, bere ibilgailua maniobratzen ari zela, Mineapolisen, funtzionario federal horien presentziaren aurkako protesta batean.
Petroren iritziz, ICE "ez da soilik latinoamerikarrak kaleetan jazartzen ari, eta hori guretzat iraingarria da. AEBko herritarrak ere hiltzen ditu".
Zure interesekoa izan daiteke
'Olina' petrolio-ontzia Kariben konfiskatu duela iragarri du AEBk, Venezuelako petrolio gordina eramatearen susmopean
Venezuelari lotuta aste honetan konfiskatu duten hirugarren petrolio-ontzia da, eta bosgarrena atzemateen hasieratik. Ostiral honetako misioa "gorabeherarik gabe" burutu dute.
Ramon Larramendi, Groenlandian bizi den euskal herritarra: "Harridura, beldurra eta haserrea dago; ez gaude salgai"
Abenturak eta esplorazioak 1986an eraman zuten lehen aldiz Ramon Larramendi Groenlandiara, eta han bizi da duela 40 urtetik. Adierazi duenez, Donald Trumpek uhartea erosteko egindako mehatxuek eta desioek aldaketa handia eragin dute groenlandiarren iritzian (% 80, inuitak), duela urte batzuk arte nahiko "pro-amerikarrak" baitziren. Orain, ordea, sentimendu hori "erabateko gaitzespenean eraldatu da".
Lau pertsona hil eta hogeitik gora zauritu ditu Errusiak Kieven guean egindako eraso batean
Defentsa Ministerioak azaldu duenez, "Errusiako presidenteak Novgorod eskualdean duen egoitzaren aurka Kieveko erregimenak abenduaren 29an egindako erasoari" erantzun diote.
Trumpek Mexikon lurreko erasoak iragarri ditu, droga kartelen aurka
AEBko presidentearen arabera, droga kartelak dira Mexiko herrialdea "gidatzen" ari direnak. Bestalde, Trumpek aurreratu du Maria Corina Machado Venezuelako oposizioko buruarekin bilduko dela datorren astean.
Gaur iritsiko dira Madrilera Venezuelak aske utzi dituen bi preso bilbotarrak
Jose Maria Basoa eta Andres Martinez Puerto Ayacuchon atxilotu zituzten, Venezuelako Amazonas estatuko hiriburuan. CNIren eta Venezuelako oposizioarekin lotura izatea leporatu zieten. Espainiako Gobernuak hasieratik ukatu ditu akusazio horiek.
Groenlandiako independentistek AEBrekin "zuzenean" hitz egitea eskatu dute, Danimarka kanpoan utzita
Whashingtonekin akordio bat ixteko aukera ez du baztertzen Naleraq alderdiak, elkartze librearen formula erabilita.
Venezuelak bertako eta atzerriko presoak askatuko dituela iragarri du
Jorge Rodriguez Asanblea Nazionaleko presidenteak egin du iragarpena, Venezuelan "bakea eta bizikidetza baketsua sendotzeko" keinu gisa. Espainiako Gobernuko Kanpo Arazoetako ministroak adierazi duenez, Espainiako herritarrak daude askatutako presoen artean; horien artean, 2024an atxilotutako bi bilbotarrak daude.
38 pertsona hil dira Iran osora zabaltzen ari diren protestetan
Protestak abenduaren 28an hasi ziren, rialaren balio-galeragatik eta inflazio handiagatik, baina manifestariek Errepublika Islamikoaren amaiera ere eskatu dute. Manifestazioetako batean, pertsona talde batek 2020an AEBk eraildako Qasem Soleimani Guardia Iraultzailearen komandante ohiaren estatua bat eraitsi du.
AEBren esku-hartzeak Venezuelan luze jo dezake, Trumpen esanetan
The New York Times egunkariak egindako elkarrizketa batean, esku-hartze horrek hilabeteak edo urtebete iraun dezakeen galdetu diotenean, buruzagi estatubatuarrak ondorengoa erantzun du: "Askoz denbora gehiago, esango nuke".