Euroganberako instalazioetara sartzea debekatu diete Irango ordezkariei eta diplomatikoei
Errepresio bortitza izan da azken bi asteetan Iranen, protestan ari diren pertsonen kontra, eta Iran Human Rights (IHRNGO) gobernuz kanpoko erakundearen arabera, gutxienez 648 dira hildakoak.
Europako Parlamentuaren artxiboko irudia. Argazkia: EuropaPress
Roberta Metsola Europako Parlamentuko presidenteak Irango diplomazialariei zein ordezkarieri Euroganberan sartzea debekatzea erabaki du, astelehen honetan, "torturaren, errepresioaren eta hilketaren bidez eutsi dion erregimen bati zilegitasuna ematen ez laguntzeko".
Hala iragarri die Metsolak eurodiputatuei bidalitako mezu batean, eta elkartasuna adierazi die "Irango herritar ausartei", Irango kaleetan "etengabe" protesta egiten ari direlako. Era berean, Teheranen "errepresioa" salatu du eta "hilketak" eta "atxiloketa arbitrarioak" egiten aritzea leporatu dio Irango Gobernuari.
Europako Parlamentuaren jarrera "argia" dela gogorarazi du, "giza eskubideak errespetatu egin" behar direla aldarrikatu du, Guardia Iraultzaile Islamiarra erakunde terrorista izendatu dutela gogorarazi du, eta EBren zigorrak zabaltzeko deia egin du, "errepresioan, indarkerian eta exekuzioetan parte hartzen duten pertsona guztiak" barne hartzeko.
GKEk salatu dute 648 manifestari erail dituztela
Iran Human Rights (IHRNGO) gobernuz kanpoko erakundeak gaur berritu duen datuaren arabera, azken bi asteetan 648 manifestari hil dituzte Iranen, eta 10.000 atxilotuetako batzuk exekutatzeko arriskua dute.
Manifestariez gain, Irango segurtasun-indarretako 121 kide ere hil dira protestetan.
Abenduaren amaieran lehertu ziren protestak, Teherango merkatu nagusian, egoera ekonomikoa salatzeko, eta, ondoren, herrialdeko beste toki batzuetara zabaldu ziren.
Milaka pertsonak babestu dute Irango Gobernua
Atzo, Irango Gobernuak kalera ateratzeko deia egin zien bere aldekoei, beste protestei aurre egiteko.
Hala, milaka pertsona mobilizatu dira astelehen honetan Irango hiriburuan, Teheranen, eta baita beste hainbat tokitan ere, Irango Gobernuari babesa adierazteko.
Zure interesekoa izan daiteke
Clintonek dio ez zekiela ezer Epsteinen delituei buruz eta ez zuela "ezer txarrik" egin
Hillary Clinton emazteak atzo egin bezala, presidente ohiak telematikoki deklaratu du Jeffrey Epsteinekin zuen harremana argitzeko. Kongresuan ikerketa batean lekukotza ematera behartutako AEBko lehen presidente ohia da.
Pakistanek gerra deklaratu dio Afganistani, eta Kabul bonbardatu du
Bi herrialdeek informazio kontrajarria eman dute erasoen emaitzei buruz, baina biktimak ehunka dira dagoeneko. Talibanen Gobernuak ziurtatu du, edozein erasori aurre egiteko prest dauden arren, beren azken helburua dela Pakistanekin duten krisiaren inguruan negoziatzea eta konponbide bat bilatzea. Handik ordu gutxira, baina, beste erasoaldi bat abiatu dute.
Europako Batzordeak iragarri du behin-behinean aplikatuko duela EB-Mercosur akordioa
Ursula von der Leyenek gogorarazi duenez, “akordioa ezin izango da erabat burutu Europako Parlamentuak bere onespena eman arte”.
Netflixek Warner erosteko borroka utzi du Paramountek beste eskaintza bat egin ostean
Enpresak azaldu duenez, Paramounten azken eskaintza berdintzeko behar zen prezioarekin, Warner Brosekin zuen akordioa "dagoeneko ez da finantzarioki erakargarria", eta, beraz, uko egin dio aste honetan eskaintza hobetu duen Paramounten zenbateko berbera eskaintzeari.
Hillary Clintonek ukatu egin du Kongresuaren aurrean Epstein ezagutzen zuela
Bill Clinton AEBko presidente ohiaren emazteak Epstein kasua ikertzen ari den batzordeari —errepublikanoek gehiengoa dute— egotzi dio "arreta desbideratu" nahi izatea eta Donald Trump presidentearen jokabideak "estaltzea". Fokua Trumpengandik aldentzeko deitu dutela deklaratzera esan du.
Ukrainak eta AEBk bilera amaitu dute, Errusiaren parte-hartzerik gabe, gerraosteko berreraikuntzan oinarrituta
Genevako bilera hiru aldekoa izatea espero zen, errusiar ordezkaritza batekin, gatazka armatua amaitzeko moduari buruzko eztabaidetan aurrera egiteko. Hiru aldeko hurrengo bilera martxoaren hasieran izango dela aurreikusita dago.
Ipar Koreak kongresua itxi du armategi nuklearra handitzeko promesarekin
Kim Jong-unek ateak zabalik utzi ditu Washingtonekin dituen harremanak hobetzeko, betiere, AEBek Pyongang estatu nuklear gisa onartzen badute. Gainera, alderdian duen lidergoa berretsi du.
Kubak AEBtik ateratako ontzi bateko lau kide hil ditu, AEBk "helburu terroristak" zituelakoan
Marco Rubio AEBko Estatu idazkariak Kubari ohartarazi dio ikertu egingo dutela zer gertatu zen, eta horren arabera erabakiko dutela nola jokatu.
Venezuelako petrolio gordina Kubako sektore pribatuari saltzeko aukera emango du AEBk
Transakzioak baimentzeko, lehengai hori saldu eta merkaturatzeko ezarritako murrizketa batzuk bete beharko dira; esaterako, salmenten diru-sarrerak Washingtonek kontrolatutako kontu batean uztea.
Trumpek muga-zergak defendatu ditu eta migratzaileen eta demokraten aurka egin du, bi orduko hitzaldian
AEBko presidenteak historiako hitzaldirik luzeena egin, du eta duela urtebete Etxe Zurira itzuli zenetik herrialdea "handiagoa, hobea eta indartsuagoa" dela aldarrikatu du.