Venezuelan "elkar ulertzeko garai politikoa" datorrela iragarri du Delcy Rodriguezek
Donald Trump AEBko presidentea Maria Corina Machado Venezuelako oposizioaren buruarekin bilduko da gaur Etxe Zurian.
Delcy Rodriguez Venezuelako presidentea, artxiboko irudi batean. Argazkia: EFE
Delcy Rodriguez Venezuelako jarduneko presidenteak iragarri du garai politiko berri bat hastekotan dela herrialdean, elkar ulertzearen alde.
"Venezuelan irekitzen ari den une politiko berriak elkar ulertzea ahalbidetzen du, bestea eta Giza Eskubideak errespetatuz", nabarmendu du hedabideekin egin duen topaketa batean.
Agintariaren hitzetan, "espazio politikoak irekitzea da helburua", eta helburu hori bere aurrekoari egotzi dio. "Helburu hori jarri zuen Nicolas Maduro presidenteak 2025eko abenduan, 194 preso askatu zituen eta".
Horren harira, orain arte 406 preso askatu dituztela nabarmendu du Rodriguezek, Jorge Rodriguez Venezuelako Parlamentuko presidentearekin eta Diosdado Cabello Venezuelako Barne ministroarekin batera egin duen agerraldian.
Oposizioko Plataforma Unitario Demokratikoaren (PUD) arabera, astelehenean askatuko zituztela iragarri zuten 116 presoetatik 102 askatu dituzte.
Donald Trumpek eta Maria Corina Machadok bilera egingo dute Etxe Zurian
Donald Trump AEBko presidentea Maria Corina Machado Venezuelako oposizioaren buruarekin bilduko da gaur Etxe Zurian, Nicolas Maduro presidentea atxilotu eta espetxeratu ostean Venezuelako oposizioaren buruak izango duen zereginari buruz hitz egiteko.
Operazioaren ostean, AEBko presidenteak baztertu egin zuen Machado Venezuelako presidente izateko aukera, herriaren babesik ez duela argudiatuta. AEBko hedabideen arabera, ordea, Bakearen Nobel saridunak Machadori eman ziotelako erabaki zuen Trumpek hura ez babestea. Nobel Fundazioak ohar bidez azpimarratu zuenez, sariak besterenezinak eta atzeraezinak dira.
Zure interesekoa izan daiteke
Israel eta Libano bigarren aldiz elkartuko dira ostegunean, Washingtonen
Etxe Zuriko eledun batek jakinarazi duenez, negoziazioen bigarren txanda bati ekingo diote Israelek eta Libanok apirilaren 23an, eta berriro ere, Washingtonek hartuko ditu elkarrizketa horiek.
Elkartze akordioa bertan behera uzteko gehiengo faltaren aurrean, Kallas Israelen aurkako neurri komertzialen alde agertu da
Joan den irailean, Europako Batzordeak akordioaren merkataritza-puntu jakin batzuk etetea proposatu zuen. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Garamendik ohartarazi du EAEk "arazoa" duela inbertsioekin: "Beste erkidegoetan baino gutxiago inbertitzen da"
Espainiako patronalaren presidenteak adierazi duenez, Estatuan egiten diren "greba guztien erdia" inguru EAEn egiteak "ez du asko laguntzen" inbertsioak erakartzeko orduan.
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.
Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.
Urtebete eta hamalau urte bitarteko zortzi haur hil dira Louisianan izandako tiroketa batean
Poliziaren arabera, "etxeko liskar bat" izan da gertakaria. Hasiera betan, tiroketaren ustezko egileak ihes egin du, baina poliziek harrapatu eta hil egin dute geroago.
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.