Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Jeffrey Epstein pederasta eta milioiduna, eta Donald Trump AEBko presidentea, elkarrekin. Artxiboko argazkia: Europa Press
Ameriketako Estatu Batuetako (AEB) Justizia Departamentuak Jeffrey Epstein pederasta eta milioidunarekin lotutako hiru milioi orrialde inguru eta milaka dokumentu argitaratuko ditu ostiral honetan.
Todd Blanche fiskal nagusiaren albokoak eman du erabaki horren berri, Donald Trump AEBko presidentearekin eta beste pertsona ezagun batzuekin (Bill Clinton presidente ohia, esaterako) kontaktua zuen hildako milioidunaren kasuarekin lotutako dokumentu guztiak argitaratzera behartzen duen legearen betebeharren ildotik.
"Hiru milioi orrialde baino gehiago argitaratuko ditugu, 2.000 bideo eta 180.000 irudi barne, eta horrek esan nahi du sailak hiru milioi eta erdi orrialde inguru prest dituela, legea betez", adierazi du Blanchek prentsaurrekoan.
Gobernuan eta Kongresuan hainbat hilabetez eztabaidatu ondoren iragarri dute argitalpena, Epsteinen kasuarekin lotutako xehetasunak eta izenak biltzen dituzten dokumentuak zabaltzeko "prozesua mantsoa eta opakua" izan dela iritzita.
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Blanchek onartu du "dokumentu batzuk" sekretupean mantenduko direla, baina betiere legeak ezarritakoaren arabera. Legeak biktimen informazio pertsonala eta pribatua erakusten duten dokumentuak isilpean gordetzeko aukera ematen du, baita haur-pornografiako irudiak, heriotza edo abusu fisikoa erakusten dutenak edo ikerketa judizial aktibo bati lotutako artxiboak ere.
Epstein adingabe batekin sexu-harremanak izateagatik ordaintzeagatik zigortu zuten, eta 2019an bere buruaz beste egin zuen espetxean, adingabeen trafikoko kargu larriagoengatik epaitzeko zain zela.
Zure interesekoa izan daiteke
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.
Zelenskik uko egin dio Donbas uzteari eta Estatu Batuen segurtasun bermeak eskatu ditu bake akordioa sinatu aurretik
Ukrainako presidenteak esan du ez dela kontzesiorik egongo eta Washingtonekin egindako ituna giltzarria dela Errusiaren inbasio berri bat saihesteko.
Trumpek "asaldatzaile" eta "matxino" deitu dio ICEko agenteek Minneapolisen hildako Alex Prettiri
37 urteko erizaina hil baino 11 egun lehenago agenteei aurre egiten eta auto federal bati ostikoka erakusten duen bideo bat argitaratu ostean egin ditu adierazpenok AEBko presidenteak.
AEBk muga zergak ezartzearekin mehatxu egin die Kubari petrolioa saltzen dien herrialdeei
Kubako Gobernuak gogor gaitzetsi du Ameriketako Estatu Batuek ezarri nahi dien petrolio blokeoa, herrialdearen aurkako "eraso ekintza bortitza" dela iritzita.
Venezuelako aire-espazioa hegaldi komertzialei zabaltzeko agindu du Trumpek
Eguna amaitu aurretik beharrezko izapideak egiteko agindua eman du AEBko presidenteak. Bi herrialdeen arteko zuzeneko hegaldiak etenda daude 2019tik.
Iranen aurkako zigor gehiago adostu ditu EBk, errepresioa leporatuta
Drone eta misiletarako materialak eskuratzea zailtzea dute helburu, eta, aldi berean, aho batez erabaki dute Guardia Iraultzaile Islamikoa erakunde terrorista izendatzea. Gainera, errusiarren aurkako zigor berriak onartu dituzte, Ukrainako gerrarekin lotuta.
Alex Pretti ICEko agenteei aurre egiten, tiroz hil baino 11 egun lehenago, irudiotan
Estatu Batuetako albiste-atari batek argitaratutako irudietan ageri denez, Alex Pretti, urtarrilaren 24an Minneapolisen ICEko agenteek hildako 37 urteko erizaina, urtarrilaren 13an ere gogor jo zuen migrazio-poliziak, beste protesta batean.