Seguro sozialistak irabazi du Portugalen, hauteskunde presidentzialen bigarren itzulian, botoen % 65,77 lortuta
Ventura ultraeskuindarrak, berriz, botoen % 34,13 lortuko lituzke, botoen % 98 zenbatuta. Herri batzuek hauteskundeak astebete atzeratzea erabaki dute, otsailaren 15era arte, herrialdeak azken bi asteetan jasan dituen denboraleen ondorioz.
Antonio Jose Seguro sozialista da faborito nagusia. Argazkia: EFE
Hauteskunde presidentzialen bigarren itzulia izan da igande honetan Portugalen. Hamaika milioi portugaldar baino gehiago zeuden deituta, Marcelo Rebelo de Sousaren ondorengoa aukeratzeko. Antonio Jose Seguro ministro sozialista ohiaren eta Andre Ventura eskuin muturreko liderraren artean hautatu behar zuten.
Seguro sozialistak botoen % 65,77 lortu ditu. Ventura ultraeskuindarrak, berriz, botoen % 34,13 lortu ditu, botoen % 98 zenbatuta.
Parte-hartzea % 50,96koa izan da, lehen itzuliko datuaren tankerakoa. Izan ere, urtarrilaren 18an izandako lehen itzulian % 52,26koa izan zen parte-hartze osoa, aurreko presidentetzarako hauteskundeetan baino handiagoa. 2021ean, pandemian, % 39,24koa izan baitzen eta txanda bakarra izan zuten.
Antonio Jose Seguro sozialista botoa ematen. Argazkia: EFE
Denboraleak eragina izan du hauteskundeetan
Hauteskundeak astebete atzeratzea erabaki dute 36.852 boto-emaile bizi diren hainbat herritan, azken bi asteetako denboraleen ondorioak direla eta. Alcacer do Sal, Arruda dos Vinhos, Golega, Santarem, Rio Maior, Leiria, Cartaxo eta Salvaterra de Magos herrietan atzeratu da bozketa.
Igande honetan eguraldiak hobera egin badu ere, atzo suhiltzaile bat hil zen Marta ekaitzaren ondorioz eta Portugalgo Itsasoaren eta Atmosferaren Institutuak (IPMA) euria iragarri du berriz ere arratsaldetik aurrera, elurra toki garaienetan, eta haize bolada gogorrak kostaldean eta goialdeetan.
Gai hau hizpide izan du, hain zuzen ere, Andre Ventura presidentegai eta eskuin muturreko buruzagiak botoa ematerako garaian eta azken egunotako uholdeen eta hondamendien ondoren gaur bozketa eguna izatea "errespetu falta" iruditzen zaiola esan du: "Uste dut errespetu falta bat dela pertsonak gaur bezalako egun batean bozkatzera joanaraztea, batez ere atzo arte gertatu zena kontuan hartuta".
Andre Ventura botoa ematen. Argazkia: EFE
Zure interesekoa izan daiteke
100.000 tona petrolio dituen petrolio-ontzi errusiar bat iritsi da Kubako Matanzaseko portura
Hiru hilabete baino gehiago petrolio kargamenturik jaso gabe egon ondoren, 740.000 petrolio upel dituen petrolio-ontzi errusiarra Kubara iritsi da. Kargamentu hau 250.000 diesel upel bihurtu ahal izango da, 12 egun pasatxoz herrialdearen eskariari erantzutea ahalbidetuko duena.
Israelek lege bat onartu du palestinarrei heriotza-zigorra ezartzeko
Israelgo Parlamentuak onartutako lege-erreformak onartu du heriotza-zigorra ezartzea hilketa terroristaren errudunei, baina giza eskubideen aldeko erakundeek salatu dute praktikan palestinarrei soilik aplikatuko zaiela.
NASAk "Artemis II" misioaren atzerako kontaketa abiatu du, eta jaurtiketarako "bikain" dagoela esan du
50 urteren ondoren, astronautak ilargiaren orbitara itzultzea du helburu misioak, eta dena prest dute biharko jaurtiketarako.
Hiru kasko urdin hil dira Libanon, Iranen aurkako gerrak 32 egun bete dituenean
Nazio Batuen Erakundeko Libanoko Bitarteko Indarreko (FINUL) bi militar indonesiar hil dira astelehen honetan Marjaayounen, Libano hegoaldean, jaurtigai batek haien autoaren kontra jota. Igandean beste kasko urdin indonesiar bat hil zen, egile ezezaguneko beste eraso batean, FINULen arabera.
Iritsi da Kubara petrolioa daraman Errusiako itsasontzia
Donald Trump AEBko presidenteak igandean iradoki zuen blokeoa kendu behar zuela: “Biziraun beharko dute”.
Iranek salbuespenak egingo ditu Ormuzen, erasoa lurrez ere egin ala ez aztertzen dabil AEB, eta Israelek Libano hegoaldera tropa gehiago bidaliko ditu
Teheranek Ormuzko itsasartean zehar 20 petrolio-ontzi ibili daitezen ahalbidetuko du. AEBk tropak ugaritu ditu inguru horretan, eta lurreko erasoaldia etortzear egon daiteke.
Israelek galarazi egin dio patriarka latinoari Erramu eguneko meza ematea Jerusalemgo Hilobi Santuan, eta kritika oldea eragin du nazioartean
Ameriketako Estatu Batuek (AEB) Israelen duten enbaxadoreak ere Israelgo Gobernuari eman ohi dion babesa hautsi du eta ez zegoela erabaki hori hartzeko arrazoirik esan du. Italiak, Frantziak, Portugalek, Poloniak eta Palestinako Agintaritzak gertatutakoa salatu dute.
Tel Aviven eta Haifan gerraren kontrako protesta egin duten ehunka manifestariren aurka oldatu da Israelgo Polizia
Manifestazioak egin dituzte, 19:00etan (16:00 GMT) hasita, Israelgo hainbat hiritan, "Gure bizitza guztien alde" lelopean. Zenbait diputatu ohik eta bakearen aldeko erakundek deitu dituzte protesta horiek.
AEBk 3.500 soldadu daramatzan gerraontzia bidali du Iranen kontrako gerrara
Pentagonoak Ekialde Hurbilera 10.000 soldadu gehiago bidaltzea aurreikusi duela jakin eta biharamunean zabaldu da albistea. Gaur da hilabete AEBk eta Israelek Irani lehen aldiz eraso ziotela, eta are gehiago gaiztotu da gatazka, Yemengo huthiak sartu baitira gerran.
Huthiak Irango gerran sartu dira Israeli misilekin eraso eginez
Palestina hegoaldera jaurti dituzte misil balistikoak Israelen aurka.