EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Kaja Kallas Europar Batasuneko (EB) Kanpo Arazoetarako goi-ordezkariak pozik hartu du Iranek Ormuz zabaldu izana, baina ohartarazi du itsas bideak "zabalik jarraitu" behar duela, eta joan-etorriak doakoak izan behar direla.
Frantziak eta Erresuma Batuak Ormuzko krisiari erantzun bat emateko Parisen antolatutako bileran parte hartu du Kallasek, bideokonferentzia bidez. Parisko bilera egiten ari zirela heldu da, hain justu, Iranen iragarpena.
Hura bukatzean, Iranek iradokitako bidesariaren aurka azaldu da eta nabarmendu du "aurrekari arriskutsua" litzatekeela. "Bertatik igarotzearren tasa ordainaraztearen asmo oro baztertu behar du Iranek", adierazi du.
Ildo beretik mintzatu da Ursula von der Leyen Europako Batzordeko presidentea (hori ere modu telematikoan izan da batzarrean), eta Ormuzen "nabigazioa erabat eta askatasun osoz" egin behar dela aldarrikatu du. Horren hitzetan, "lehentasun urgente eta partekatua da".
Macronek eta Starmerrek misio "defentsiboa" iragarri dute Ormuzen
Batzarra bukatutakoan, Emmanuel Macron Frantziako presidenteak eta Keir Starmer Erresuma Batuko lehen ministroak iragarri dute itsas misio "neutral" bat jarriko dutela martxan, Pertsiar golkotik igarotzen diren merkataritza ontziak "laguntzeko eta babesteko".
Macronen esanetan, misioa "lan diplomatikoarekin" osatuko dute, eta parte hartzeko deia egin die AEBri eta Israeli ere.
Ildo beretik, Keir Starmer lehen ministro britainiarrak baieztatu du Londresek eta Parisek zuzendutako misio "multinazional" bat abiarazteko asmoa duela, "nabigazio askatasuna babesteko".
"Misio baketsu eta defentsiboa izango da, interes komertzialak bermatuko ditu eta minak kentzeko lanetan lagunduko du. Merkataritza globalaren fluxu librean interesa duten nazio guztiak bat egitera gonbidatzen ditugu. Batzuek dagoeneko adierazi dute laguntzeko prest daudela ", azaldu du, baina ez du zehaztu zenbat herrialde agertu diren baliabide militarrak emateko prest. 10 bat nazio leudeke misio horretan parte hartzeko gertu, besteak beste, Italia eta Alemania. Friedrich Merz Alemiako kantzilerrak aitortu duenez, " AEBren parte-hartzea "gustatuko litzaioke.
Parisen egindako goi-bilera. EFE
Zure interesekoa izan daiteke
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da.
Trump Pekinera iritsi da bi eguneko goi-bilerarako, eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, 'Air Force One' hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handien ia hogei enpresa-buru.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.