Frantziako ezkerrak aste honetan izendatuko du lehen ministro izateko hautagaia
Intsumisoek, sozialistek, ekologistek eta komunistek osatutako Fronte Herritar Berriak (NFP) Frantziako hauteskundeak irabazi ditu eta ultraeskuina hirugarren posturaino zokoratzea lortu du. Testuinguru horretan aste honetan lehen ministrorako hautagai bat izendatuko du.
Frantziaren gobernagarritasuna galdera ikurrez josita dago, Gabriel Attal lehen ministroak ere dimisioa jarri dio mahai gainean Macroni, eta ikusteko Frantziako Presidenteak nor izendatuko duen lehen ministro. Eliseoko iturriek zabaldu dutenez, izendapen hori ez da berehalakoan espero, eta Macronek adierazi du Asanblea Nazionala osatu arte, ez duela erabakirik hartuko.
Lehen ministro berria izendatzea Emmanuel Macron Errepublikako presidenteari dagokio, eta NFPko buruzagi nagusiek, hala nola Melenchonek eta Olivier Faure idazkari nagusi sozialistak, eskuduntza hori ezkerreko koalizioko norbaitentzat izatea eskatu diote Macroni.
"Aste honetan hautagaitza bat prestatzeko gai izan behar dugu", azpimarratu du astelehen honetan Faurek, eta azpimarratu di Macronek onartu behar duela "garaitua" izan dela. France Info irrati katean egindako elkarrizketa batean, Faurek ez du aurreratu nor izango den hautagaia, hori bai, Melenchon baztertu egin du. Horren arabera, izendatuak gainerakoekin hitz egiteko gai izan beharko du; izan ere, Fronte Herritar Berriaren "gehiengo erlatiboa handitu" behar da.
Buruzagi sozialistaren ustez, "eremu makronistak erantzukizuna erakutsi behar du" eta etorkizunean eskua nori luzatuko dion argitu beharko duela.
Manuel Bompard Frantzia Intsumisoko diputatuak berretsi duenez, igandeko bozketan "galtzaileak" daude, Marine Le Penen Bilgune Nazionala eta makronismoa eta nabarmendu du Fronte Herritar Berria "Asanblea Nazionaleko lehen alderdi politikoa dela, eta berari dagokiola gobernatzea". Hala, gaur bertan koalizioko alderdiak eztabaidatzen jarraituko dutela adierazi du euren programa aplikatu ahal izateko "metodo bat eta izen bat" proposatzeko.
Marine Tondelier Ekologisten buruak berretsi duenez, Macronek "gaur deitu beharko lioke ofizialki Fronte Herritar Berriari, lehen ministroa izendatzeko".
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.