Castetsek (NFP) koalizioak sortu eta Frantzia gobernatzeko "prest" dagoela ziurtatu du
Lucie Castets Frantziako lehen ministro izateko Fronte Popular Berriak izendatutako hautagaiak esan duenez, "(NFP) gaurtik aurrera prest dago koalizioak eraikitzeko, gainerako indar politikoekin eztabaidatzeko, herrialdearen egonkortasuna bermatuko duen eta Frantziako herriak dituen premiazko beharrei erantzungo dien bide bat aurkitzeko". Emmanuel Macron presidentearekin bildu ostean egin ditu adierazpen horiek hedabideen aurrean ezkerreko koalizioko liderrak.
Eliseoko hitzordutik irtetean Castetsek azaldu duenez, elkarrizketa ona izan da, eta Macronek aitortu du Frantziako herritarrek aldaketarako mezua bidali zutela uztaileko hauteskundeetan. Dena den, Castetsen arabera, estatuburuak "bere gobernua osatzeko tentazioa du oraindik".
Uztailaren 7ko hauteskundeen ostean, diputatu kopuruaren arabera (193, bazkideekin batera), NFPri dagokio gobernatzea, bere iritzian. Hala ere, badakite ez dutela gehiengo osoa (289), eta "konpromisoak" aurkitu beharko dituztela onartu du.
Oro har, NFPko liderrek bileraren balorazio positiboa egin dute, bereziki Macronek Castets gonbidatzea onartu duelako, hasiera batean (gainerako alderdiekin gertatuko den bezala) taldeburuak eta Parlamentuko liderrak bakarrik gonbidatu zituztelako Eliseora.
Bilerara joan diren NFPko buruzagien artean, Olivier Faure Alderdi Sozialistako lehen idazkariak nabarmendu du lehen ministro berri baten iragarpena "azkarra" izango dela, datarik zehaztu ez bada ere.
Marine Tondelier Ekologisten idazkari nazionalak bere aldetik adierazi du "premiazko gaiak" daudela, eta "horiei heldu gabe asteak igarotzea larria eta arduragabea da", erantsi duenez.
"Badirudi Errepublikako presidentea hauteskunde legegile hauek galdu dituela ulertzen hasi dela, baina, itxura batean, oraindik ez ditu ondorio guztiak atera", gaineratu du Manuel Bompard Frantzia Intsumisoko (LFI) koordinatzaileak.
Hain zuzen ere, Jean-Luc Melenchonek sortutako talde horren presentziak sortzen ditu zalantzak NFPk beste indar batzuekin akordioak egiteko duen gaitasunaren inguruan. Hasteko, gainerako bloke handiek, baita makronismoak ere, LFIko ordezkariak bere baitan har ditzakeen edozein gobernu bertan behera uzteko mehatxua egin dute.
Hala ere, xehetasun esanguratsu gisa, Alderdi Sozialistako lehen idazkariak prentsari esan dio Macronek onartu duela eskuin muturraren ezinbesteko garaipena zirudiena gelditzeko "fronte errepublikanoa" osatu zuten indar guztiek zilegitasuna dutela gobernatzeko.
NFPren ostean, Macronek bere alderdiko ordezkariak eta Eskuin Errepublikanoko kontserbadoreak hartuko ditu, baita beste alderdi minoritario batzuk ere.
Astelehenean uztaileko hauteskundeak irabazteko itxaropena zeukan Marine Le Penen eskuin muturraren txanda izango da. Ganerako alderdiek jarritako hesien ondorioz, Asanblea Nazionaleko hirugarren indarra da orain.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.