Maiatzaren lehen astea giro nahasiarekin hasiko da
Maiatzaren lehen astean zerua hodeitsu egongo da eta giroa nahasia izango da EAEn. Euskalmeten arabera, tenperatura maximoek behera egingo dute eta prezipitazioak bueltatuko dira. Nafarroan giroa antzekoa izango da, eta hodeiak eta euria izango dira protagonistak. Aste osoan zehar ipar-haizea nagusituko da.
Astelehenean tenperaturek behera egingo dute, eta 15 eta 16 graduren bueltan geratuko dira. Egunaren hasieratik zerua hodeitsu egongo da, eta zaparradak bereziki arratsaldean eta hegoaldean botako ditu.
Asteartean giro ezegonkorrak jarraituko du, eta beste egun batez zerua lainotuta egongo da, batez ere hegoaldean. Tenperaturan ez da gorabehera handirik espero, eta balio beroenak 15 gradu ingurukoak izango dira. Hiribururik hotzena Gasteiz izango da; 14 graduko tenperatura maximoarekin eta 5 graduko minimoarekin. Euria edonon egin dezake, baina kostaldean probabilitatea txikiagoa izango da.
Asteazkenean eguraldia aurreko egunekoaren antzekoa izango da. Zeru lainotsuak eta aldizkako prezipitazioak egongo dira, baina egoerak hobera egingo du egunean zehar.
Ostegun eta ostiralean eguzkia ikusi ahal izango da eta tenperaturak igo egingo dira. Hala ere, kostaldean prezipitazio txikiren bat egon daiteke.
Eguraldiaren inguruko informazio eguneratua izateko, eitb.eus-en ikus dezakezu noiznahi, eta zure argazkiak bidali.
Albiste gehiago eguraldia
Hodeiak gaur eta bihar, euria igandetik aurrera
Ostiralean eta larunbatean hodeiak izango dira, baina ez du euri askorik egingo; igandean, berriz, prezipitazio txikia egongo da isurialde atlantikoan, eta tenperaturak behera egingo du. Astelehenean, ezegonkortasunak jarraituko du, zerua hodeitsu egongo baita eta balioak aurreko egunetako oso antzekoak izango baitira.
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.