Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Aemetek abisu horia ezarri du Nafarroan ekaitzengatik eta euriagatik, batez ere lurraldearen hegoaldean. Horrez gain, Ebroko Konfederazio Hidrografikoak (CHE) ohartarazi du igande honetan ur-goraldiak izan daitezkeela ubide txikietan eta amildegietan.
Eguraldiak hobetzera egingo du datorren astean egunek aurrera egin ahala. Ateri eutsiko dio lehenengo egunetan, eta giro epela nagusituko da, baina eguraldi eguzkitsua izango da asteazkenetik aurrera.
Gaur, tenperatura maximoek behera egingo dute, eta hodeiak ostarteak baino gehiago izango dira zeruan. Termometroak ez dira aurreko eguneko balioetara iritsiko, eta 22-25 ºC inguruan mugituko dira. Arabako hegoaldean eta Nafarroako erdialdean eta hegoaldean, maximoak antzekoak izango dira edo zertxobait igoko dira. Hodei dezente izango ditugu zeruan, batez ere erdi-mailako hodeiak eta goi-hodeiak, eta ostarte batzuei bidea utziko diete tarteka. Baliteke azken orduetan zaparrada batzuk botatzea Araba eta Nafarroa hegoaldean, eta trumoitsuak izan daitezke. Haizea ipar-mendebaldetik eta iparraldetik finkatuko da.
Nafarroan, ordea, abisu horia ezarri du Aemetek euriagatik eta ekaitzagatik. Bereziki isurialde atlantikoan eta Ebroko erriberan izango dira euri-zaparradak. Gainera, tenperatura jaitsierak izango dira lurralde osoan, iparraldean gehiago nabarmenduko badira ere.
Astelehenean, hodeiak ostarteak baino gehiago izango dira berriro ere. Behe-hodeiak izango dira, isurialde atlantikoari eragingo diote gehien, eta askoz urriagoak izango dira Nafarroako erdialdean eta hegoaldean; ostarte zabalak ikusiko dira bertan. Baliteke hodei horiek tanta batzuk uztea ipar parteko zenbait puntutan goizean eta eguneko erdiko orduetan. Tenperatura maximoak apur bat jaitsiko dira, eta 20-22 ºC-ren bueltan ibiliko dira, eta zertxobait altuagoak izango dira Nafarroako hegoaldean. Ipar-mendebaldeko eta iparraldeko haizea ibiliko da.
Asteartean, giro eguzkitsuagoa izango da. Ostarteek gero eta leku handiagoa hartuko dute, eta giroa aurreko egunetan baino eguzkitsuagoa izango da. Haizea ahul ibiliko da, eta iparraldetik finkatuko da goizean. Tenperatura maximoek ez dute aldaketa handirik izango, baina apur bat igoko dira.
Asteazkenean, are gehiago argituko du, eta eguzkia izango da nagusi asteburura arte gutxienez.
Zure interesekoa izan daiteke
Iritsi da euria Euskal Herrira
Mendebaldean eta kostaldean botako ditu lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.
Ekaitzek gogor jo dute Nafarroan eta Gipuzkoan, bigarren egunez jarraian
Gauerdira arte, alerta laranja izango da indarrean ia Nafarroa osoan eta Ipar Euskal Herrian. Noainen, txingor erauntsia izan da, eta 10 minutuan 5 litro pilatu dira metro koadroko.