Udazken giroa eta zaparradak astea hasteko, azken asteotako joera hautsiz
Astelehenean, zerua lainotuta egongo da eta zaparrada batzuk botako ditu, batez ere kostaldean. Asteartea ere antzekoa izango da, baina asteazkenean hodeiak bakandu, eguzkia atera eta tenperaturak gora egingo du.
Errenteriatik, Kaputxino gainetik, Pasai Donibane eta Pasai San Pedro. Argazkia: Amaia De Leon
Iberiar penintsula zirkulazio atlantikoaren eraginpean egongo da astelehen honetan, eta batez ere Galizian izango du eragina. Hala, alerta horia ezarri dute euriagatik eta olatuengatik.
EAEn eta Nafarroan ere egingo du euria, baina ez horrenbeste.
Astelehena
Astelehenean, udazkeneko giro aldakorra espero da. Tenperatura maximoak beste apur bat jaitsi, eta 20 ºC inguruan geratuko dira denean.
Mendebaldeko haizea ibiliko da, hego-mendebaldekoa nagusi, baina ipar-mendebaldetik joko du tarteka, batez ere arratsaldean eta isurialde atlantikoan.
Zerua, oro har, hodeitsu egongo da, baina ostarteak zabal daitezke tarteka, arratsaldetik aurrera gehienbat, eta euri pixka bat egin dezake; goizaldean eta goizean goiz, isurialde atlantikoan gehienbat, zaparrada mardulagoak izan daitezke.
Asteartea
Asteartean, iparraldean zaparradak egingo ditu, zaparrada txikiak oro har, baina kostaldean zaparraden intentsitatea handiagoa izango da tarteka. Oso euri gutxi iritsiko da hegoaldera. Egunaren amaieran, berriz, atertzera egingo du.
Mendebaldeko haizea ibiliko da, baina hego-mendebaldekoa gailenduko da egunaren hasieran. Tenperatura maximoak pare bat gradu igo daitezke.
Asteazkena
Asteazkena prezipitaziorik gabeko eguna izango da, eguzkia aterako da eta tenperaturak igo egingo dira.
Hurrengo egunean, ostegunean, okerrera egingo du, aurreikuspenen arabera.
Eguraldiari buruzko informazio guztia Orain webgunean. Bidali zure argazki eta bideoak.
Zure interesekoa izan daiteke
Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Udako giroa izango da nagusi datozen egunetan, baina euria egin dezake igandean Euskal Herrian
Asteburua tenperatura freskoekin hasiko da, eta termometroak 9 ºC-ra jaitsiko dira Gasteizen larunbatean. Hala ere, maximoak 30 ºC-tik gorakoak izango dira lurraldeko hainbat puntutan. Igandean, berriz, zirimiria egin lezake azken orduetan.
Giro sargoria izango da gaur, hego-haizeak lagunduta
34 ºC-ra go litezke termometroak puntu askotan eta goizean hodei eta ostarteak tartekatuko dira; arratsaldean bero-hodeiak garatuko dira eta trumoi-zaparradaren bat bota dezake.
Beroak estutzen jarraituko du, baina ezegonkortasun handiarekin
Hurrengo egunetan, tenperatura altuak izango dira nagusi, baina ezegonkortasun handia izango da. Hala, gaur arratsaldean, esaterako, ekaitza bota dezake; Nafarroan, Aemetek abisu horia ezarri du euriteengatik.
Ur-goraldiak iragarri dituzte Nafarroako ubide txikietan eta sakanetan
Euri zaparrada eta ekaitz gogorren ondorioz hainbat probintziatan, tartean Nafarroan, ezarritako abisuak direla eta, Ebroko Konfederazio Hidrografikoak albiste meteorologikoei adi egoteko gomendatu die herritarrei.
Igandean bero egingo du berriro ere Euskal Herrian
Eguna tenperatura baxuekin hasiko da, Gasteizen, esaterako, 14 ºC izango baitira, baina 34 ºC-ra helduko dira termometroak Iruñean, eta 32 ºC-ra, berriz, Bilbon. Arratsaldean, aldaketa etor daiteke, eta zaparrada trumoitsuak eta txingorra egin dezake zenbait puntutan.
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.