Aste eguzkitsua eta epela, hego-haizea protagonista
Zerua oskarbi egongo da, hein handi batean, eta tenperatura maximoak 20 ºC-tik gora kokatuko dira leku askotan, minimoak freskoak izango badira ere.
Udaberri giroko astea dugu aurretik, azken egunotako euriak inguruak busti ostean.
Giro dotorea izango dugu gaur. Goizean goiz, behe-hodeiak izango ditugu lurraldearen ipar-ekialdeko zenbait puntutan, eta behe-lainoa Arabako Lautadan, baina, oro har, giro eguzkitsua nagusituko da goizean. Arratsaldea ere, argia izango da, baina erdi-mailako hodeiak eta goi-hodeiak ugarituz joango dira. Egunsenti hotz baten ostean, tenperatura maximoak 15 eta 18 ºC artekoak izango dira. Hego-haize ahula ibiliko da, eta ekialdeko ukitua hartuko du arratsaldean kostaldean.
Astelehenean, hodeiak eta ostarteak tartekatuko dira, erdi-mailako hodeiak eta goi-hodeiak nagusituz. Giroa nahiko argia izango bada ere, hodei gehiago agertuko dira zeruan, eta ostarte zabalak irekiko dira tarteka. Baliteke hodeiguneren batek tantaren bat uztea. Goizean eta iluntzetik aurrera, hego-haizea ibiliko da; eguerdi partean, iparraldetik joko du. Tenperaturak ez du aldaketa nabarmenik izango, baina gorakako joera izango du.
Asteartean, hego-haizea izango da protagonista. Enbarazu egingo du une askotan, eta bolada gogorrak eta oso gogorrak neurtuko dira haize-lekuetan, batez ere mendi inguruetan. Hodeiak eta urdinguneak tartekatuko dira zeruan, eta giro argia izango da; erdi-mailako hodeiak eta goi-hodeiak nagusituko dira. Tenperaturak gora egingo du, eta zertxobait gehiago nabarituko da isurialde atlantikoko zenbait puntutan; maximoak 20 ºC-tik gora geldituko dira hainbat lekutan.
Asteazkenean, tenperatura are gehiago igoko da, eta hego-haizearekin jarraituko dugu, baina astebururako aldaketa espero da, haizeak joera aldatuta tenperaturak behera egingo baitu.
Zure interesekoa izan daiteke
Giro oso estalia eta freskoa asteko lehen egunetan
Gutxienez ostegun arratsaldera arte ez da eguzki konturik izango gurean. 20 graduz azpiko tenperaturak izango ditugu ordura arte, eta gutxi bada ere, busti egingo du, batez ere goizetan euri zirina egingo baitu.
Nola bizi zituzten eklipseak gure arbasoek?
Munduko kultura askotan eguzkia gurtu izan da ia jainko bat bezala. Naturalena gauez ezkutatu eta goizean itzultzea zen. Horregatik, egunez eklipse bat ikustea beldurgarria izan da urte askotan munduko ia kultura guztientzat.
Hodeiak nagusi asteburuan
Ekaineko lehen asteburu honetan, fronte berri bat izango dugu, eta hodeitza nagusi izango da larunbatean; igandean, berriz, tenperaturak nabarmen egingo du gora.
Lainoak, eguzkia joan-etorrika eta euri zirina
Eguraldia aldakor ibiliko da datozen egunetan. Orokorrean, ez du asko bustiko, baina euritarako joera egongo da hainbat egunetan. Eguzkia ere azalduko da tarteka, eta tenperaturak gorabeheratsu ibiliko dira, egunaren arabera.
Eguzki eklipse osoaren hiru fenomenoak ikusgai, errealitate areagotuari esker
Bailyko perlak, diamante eraztuna eta eguzki koroa ikusgarria abuztuaren 12ko 20:27tik aurrera ikusi ahal izango dira. Eguraldiko lantaldeak fenomeno horiek erakutsi dizkigu gertakari astronomiko garrantzitsu horri buruzko erreportajeen hirugarren atalean.
Amaitu da beroaldia, Arabako eta Nafarroako hainbat tokitan salbu
Tenperatura maximoak 10 gradu inguru jaitsiko dira kostaldean, eta altuenak 25 gradutik behera kokatuko dira. Barnealdean, oro har, 25 eta 30 gradu artean ibiliko dira altuenak, baina Arabako Errioxan eta Nafarroako Erriberan 35 gradutik gorakoak izan litezke.
Bero itogarria zazpigarren egunez, nahiz eta kostaldean brisak atseden pixka bat eman duen
Kantauri isurialdeko barnealdeko bailaretan neurtu dituzte maximoak. Laudio, esaterako, 38,5 gradura iritsi da, inoiz maiatzean izan den altuena. Bihar, osteguna, alerta laranjan jarraituko dugu tenperatura altu iraunkorrengatik.
Alerta laranja ezarri dute beroagatik, baina kostaldean brisa sartu eta tenperatura maximoak jaitsi egingo dira
Barnealdean tenperatura maximoak bere horretan mantenduko dira. Ostegunean berriro alerta laranja aktibatuko da eta ostiralean maximoak nabarmen jaitsiko dira.
Beroak ez du atsedenik ematen eta tenperatura minimo historikoak utzi ditu
Gaua tropikala izan da, batez ere kostaldean eta isurialde kantauriarrean. EAEko lau estazio meteorologikoek minimo historikoak errejistratu dituzte, udan ere inoiz ez dira hain tenperatura altuak jaso. Ondoren, egunean zehar, hainbat udalerrik 35 ºC-ak gainditu dituzte, nahiz eta maiatzean egon.
Beroagatik alerta laranja ezarriko dute asteazkenean eta ostegunean
Eusko Jaurlaritzak baso sute arriskuagatik ere abisu horia ezarriko du, tenperatura altuei hegoaldeko haizea gehitu beharko zaielako.