Abisu horia izotzagatik Hego Euskal Herrian
Eusko Jaurlaritzako Segurtasun Sailak abisu horia aktibatuko du igande arratsaldean tenperatura baxuak direla-eta izotza egin dezakeelako. Astelehen eguerdira arte egongo da indarrean abisu horia, eta berriro jarriko da martxan, 18:00etan.
Segurtasun Sailak ohar batean azaldu duenez, igande honetako abisua 18:00etan hasiko da trantsizio-eremuan eta Ebroko ibarrean, eta 21:00etan, berriz, isurialde atlantikoan.
Aurreikuspenen arabera, tenperatura maximoak 3 edo 4 gradu ingurukoak izango dira lurraldearen hegoaldean, eta 5 edo 6 gradukoak, berriz, kostaldean.
Abisu horiak astelehen goizaldean ere izango dira indarrean, eta 10:00etan amaituko dira isurialde atlantikoan, eta eguerdian, trantsizio-eremuan eta Ebroko ibarrean.
Gainera, antzeko bi abisu hori aktibatuko dituzte astelehen arratsaldean, 18:00etan lurraldearen hegoaldean eta 21:00etan isurialde atlantikoan. Iragarpenaren arabera, tenperatura maximoak 3 edo 4 gradukoak izango dira hegoaldean, eta 5 edo 6 gradukoak, berriz, barnealdean.
Nafarroan, Aemetek abisu horia ezarri du Foru Erkidegoko iparraldean tenperatura baxuak izango baitira. Termometroak -6 ºC-ra jaitsiko dira Pirinio inguruetan.
Aurreikuspena
Gaur, giro hotza nagusituko da, eta izotza egingo du lurraldeko leku askotan. Maximoak ozta-ozta iritsiko dira 5 ºC-ra, eta izotza egingo du barnealdean egunaren hasieran eta amaieran. Tenperatura 0 ºC ingurura jaits daiteke kostaldeko leku batzuetan ere, batez ere Gipuzkoan. Ia ez dugu prezipitaziorik espera, eta, hortaz, oro har, ateri egongo da, ostarte batzuekin batez ere ekialdean. Ipar-ekialdeko haizea bizi ibiliko da eta hotz sentsazioa areagotuko du.
Astelehenean, hotzetik jarraituko dugu eta izotza egingo du berriro barnealdean, baita kostaldeko leku batzuetan ere, batez ere ekialdean. Ateri eutsiko dio eguneko ordu gehienetan; lainoa sortuko da barnealdeko ibarretan eta ostarteak zabalduko dira gainerakoan. Mendebaldean, prezipitazioa egin dezake noizbehinka, bereziki egunaren amaieran, hodeiak ugaritu egingo baitira. Gauean, elur-kota 200-400 metro inguruan kokatuko da. Ipar-ekialdeko eta iparraldeko haizea ibiliko da.
Asteartean, kota ertain eta baxuetan elurra egiteko probabilitatea handia izango da. Elur-kota 200 eta 400 metro artean ibiliko da, baina prezipitazioa aurreko egunetan baino ugariagoa izango da, batez ere isurialde atlantikoan eta egunaren lehen partean. Izotza egingo du berriro hainbat lekutan. Horrekin batera, ipar haizea zakar ibiliko da eta giro ezatsegina utziko du egunaren lehen partean. Ez da baztertzen trumoi-ekaitzak izatea edota kazkabarra egitea.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.