121 kilometro orduko haize-boladak erregistratu dira Matxitxakon

Giro ezegonkorra eta olatu handiak, asteburuko protagonistak. Ipar Euskal Herrian alerta laranja ezarri dute euriagatik, eta abisu hori ugari daude itsasaldeko arriskuagatik, haizeagatik eta elurteengatik Pirinioetan.

GRAFCAV7358. SAN SEBASTIÁN (ESPAÑA), 03/12/2025.- Los cielos en el País Vasco se presentan este miércoles nubosos con chubascos, especialmente en el litoral, donde podrán ser tormentosos, la cota de nieve subirá desde los 1.000 hasta los 1.200 metros, las temperaturas descenderán y el viento soplará del oeste, con rachas fuertes en zonas expuestas. El estado de la mar, en el Cantábrico hasta las veinte millas, será de marejada a fuerte marejada, la mar de fondo del noroeste levantará olas en torno a 3 o 3,5 metros de altura y el viento soplará del oeste, fuerza 4 a 5. EFE/Juan Herrero. — Giro bustia izango dute kostaldean, baita itsaso zakarra ere. Artxiboko argazkia: EFE

EITB

2026/01/31 - 10:03

Azken eguneratzea

2026/01/31 - 19:46

Segurtasun Sailak jakitera eman duenez, 121 km/h-ko haize-boladak erregistratu dira azken orduetan Matxitxakon eta 120 km/h-koak Cerrojan, Bizkaian, eta 103 eta 101 km/h-koak Donostiako Santa Klara estazioan eta Jaizkibelen (Gipuzkoa).

EAEn alerta laranja egon da nabigaziorako, itsasaldeko arriskuagatik (lehen bi milietan) 18:00ak arte.

Era berean, abisu horiak aktibatu dira Bizkaiko eta Gipuzkoako haizeguneetan, ur-proiekzioengatik eta zipriztinengatik, kostaldean eta haizeagatik, eta mendebalde-ipar-mendebaldeko haize-boladek 100 km/h-ko abiadura gainditu dezakete, batez ere kostaldean. Abisu horiek asteleheneko 18:00ak arte iraungo dute.

Bihar 11:00ak arte itxita egongo dira Donostiako Pasealeku Berria, Haizearen Orrazirako eta Zurriolako kai-muturrerako sarbideak eta Urgull mendiaren kostaldea.

Astelehenean, Eusko Jaurlaritzako Segurtasun Sailak bi abisu hori ezarriko ditu kostaldean olatuen inpaktuagatik, itsasgoran. Lehena, 04:00-06:00etan egongo da indarrean, eta 4,90 metroko itsasgora espero da; bigarrena, 16:00etatik 18:00etara aktibatuko dute, eta itsasgora 4,71 metrora heltzea espero dute.

Alerta laranja euriagatik, Ipar Euskal Herrian

Euri-jasak aurreikusi dituzte Euskal Herriko ipar-ekialdean (Nafarroa iparraldea eta Ipar Euskal Herria), eta, hori dela eta, Meteofrancek alertapean jarriko ditu Pirinio Atlantikoak 10:00etatik gauerdira arte. Iragarpenaren arabera, 40-60 litro pilatu daitezke 12 orduan. Nafarroan, aldiz, abisu horia ezarri du Aemetek Foru Erkidegoko isurialde atlantikoan 06:00etatik 18:00etara; izan ere, metro koadroko 40 litro metatu daitezke 12 orduan, eta 15 litro, ordubetean. Gainera, Pirinioetan beste abisu bat egongo da elurragatik. Elur-maila 800-900 metroan kokatuko da, eta 5 cm-ko geruza pilatu daiteke hortik gora.

Azkenik, Ipar Euskal Herrian bost abisu hori aktibatuko ditu Meteofrancek haizeagatik, ekaitzengatik, elurragatik, elur-jausi arriskuagatik eta olatu handiengatik.