Bustitik eta epeletik igaroko da astea
Euri kontuak izango dira nagusi asteko egun guztietan, ostegunean kenduta. Hego haizea ibiliko da, eta horrek tenperatura maximoak igoaraziko ditu, batez ere asteartean eta asteazkenean. Termometroak 20 ºC-ra helduko dira isurialde atlantikoan, eta 15 ºC-ra, berriz, barnealdean.
Otsail betean egoteko, tenperatura gozoak izango ditugu asteon, batez ere asteartetik aurrera. Zeru gainetan, hodeiak izango ditugu protagonistak eta zaparradak izango dira nonahi, Euskalmet Euskal Meteorologia Agentziaren eta EITBren meteorologia zerbitzuak egindako iragarpenaren arabera.
Astelehenean, giro eskasa izango dugu. Euria egingo du, baina ez etengabe, eta aterrune luzeak izango dira egunaren erdiko orduetan. Arratsaldetik aurrera, hodeiak ugaritzen joango dira berriro, eta sarriago egingo du euria, batez ere isurialde atlantikoan. Hego osagaiko haizea ibiliko da, ez oso harro. Ondorioz, tenperaturek gora egingo dute, eta giro epelagoa espero da. Kostaldean, 15 ºC-ren muga gaindituko dute maximoek; barnealdean, berriz, 12 ºC-tik gora helduko dira.
Asteartean, tenperaturen gorakada izango da aipagarriena. Minimoak zein maximoak, biak igoko dira, eta 20 ºC-ren bueltan errendituko dira termometroak kostaldean, eta 15 ºC-ren inguruan barnealdean. Euri kontuekin jarraituko dugu, baina goizean eta iluntzean egingo du gehien. Eguerdian, aldiz, ateri eutsiko dio.
Aldaketa aipagarririk ez da espero asteazkenerako; giro bustia izango da, arratsaldean bereziki, eta tenperatura suabeak nagusituko dira.
Ostegunean, giro argiagoa izango dugu, eta ez da euririk espero. Tenperaturek behera egingo dute.
Joeraren arabera, petraltzera egingo du aroak ostiralerako. Haizeak iparraldera egingo du, eta hotza eta euria ekarriko ditu berarekin.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.