419 milioi euroko isuna Epic Gamesi, Fortnite jokoaren sortzaileari, adingabeen pribatutasuna urratzeagatik
Bideojokoak sortzen dituen Epic Games konpainiak akordioa erdietsi du AEBrekin 491 milioi euroko isuna ordaintzeko, adingabeen pribatutasuna babesten duen legea urratzeagatik eta erabiltzaileak, hainbat trikimailu erabilita, erosketak egitera bultzatzeagatik.
AEBko Justizia Departamentuak emandako informazioaren arabera, 260 milioi euroko isuna jaso du, hain zuzen ere, legeria ez betetzeagatik.
Zehazki, Justiziak deliberatu du Epic Gamesek umeentzako merkaturatu zuela Fortnite bideojoko ezaguna, eta, ezagueraz, adingabeen informazioa jaso zuela (izenak, helbide elektronikoak, erosketei buruzko datuak...). Epic Gamesek, baina, ez zien adingabeen gurasoei horretarako baimenik eskatu, nahiz eta legeak horretara behartzen duen.
Gauzak horrela, Epic Gamesek galarazita izango du legez kontra jasotako informazio hori erabiltzea. Halaber, zenbait datu ezabatu beharko ditu eta, erabiltzaileak besterik adierazi ezean, ahots zein testu bidezko komunikazioak desaktibatuta daudela ziurtatu beharko du.
Antzeko kontu batengatik, Merkataritza Batzorde Federalak erabiltzaileei 232 milioi euro itzultzera behartu du Epic Games. Izan ere, diru hori zilegi ez ziren bideetatik jaso zuen konpainiak, hainbat trikimailu erabilita, erosketak egitera bultzatu baitzituen erabiltzaileak.
Zure interesekoa izan daiteke
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.