'Vivir es fácil con los ojos cerrados', Oscarretarako bidean
David Trueba zuzendariaren "Vivir es fácil con los ojos cerrados" (Bizitzea erraza da, begiak itxiz gero) filma aukeratu du Espainiako Zinema Akademiak 2015eko Oscar Sarietan atzerriko pelikula onenaren kategorian Espainia ordezkatzeko hautagai modura. Hiru pelikula zeuden mahai gainean, lehen hautaketa batean aukeratuta: Carlos Marques-Marceten "10.000 kilómetros" (10.000 kilometro), Daniel Monzonen "El niño" (Umea) eta Truebaren filma.
Aura Garrido eta Alex Gonzalez aktoreek zabaldu dute izendatutako lanaren izena zuen gutun-azala. Horrenbestez, Oscarretarako lasterketan azken-aurreko geltokira iristea lortu du Truebaren lanak, baina, orain, Hollywoodeko Akademiaren esku dago hurrengo urratsa: azken hiru finalisten artean sartu edo ez.
Iaz, Gracia Querejetaren "15 años y un dia" (15 urte eta egun bat) filma hautatu zuen Espainiako Akademiak, baina bidean geratu zen: azkenean, ez zuen Oscarretarako azken lehiara iristeko aukerarik izan.
Sei Goya
Aurtengo Goya Sarietan protagonista handietako bat izan zen "Vivir con los ojos cerrados"; sei Goya eskuratu zituen; zuzendari onenarena eta jatorrizko gidoi onenarena jaso zituen Truebak, aktore protagonista onenarena Javier Camarak eta emakumezko aktore berri onenarena Natalia de Molinak.
60ko hamarkadan kokatzen da pelikularen istorioa. Antonio da protagonista, irakaslea ofizioz; The Beatlesen abestiak erabiltzen ditu ikasleei ingelesa irakasteko. John Lennon Almerian pelikula bat grabatzen ari dela jakiten duenean, sekulakoak eta bi egingo ditu talde horretakoak ezagutzeko.
Zure interesekoa izan daiteke
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.