Bizikletaz eginiko bost espediziok Europa zeharkatuko dute
Bizikletaz eginiko bost espediziok Europa zeharkatuko dute, kontinente horretako bizi estilo desberdinak erakusteko asmoz. Jarduera hori Donostia 2016ko egitarauaren parte da, eta urte osoan zehar ekitaldi ugari egingo dituzte elkarbizitzaren eta dibertsitatearen balioak sustatzeko asmoz.
“Biziz” espedizioak bost abiapuntu desberdin izango ditu: Las Palmas, Atenas, Kopenhage, Konstantza eta Wroclawetik aldi berean ekingo diote bidaiari, ekainaren 12an, eta, Donostiara, urriaren 30ean bueltatuko dira, Mugikortasunaren Europako Astearekin bat eginez.
Musika
“Music Box” festibalak hamabi kontzertu eskainiko ditu urte osoan zehar, normalean kultur ekintzarik hartzen ez duten hiriko zenbait tokitan. Ekainaren 11an, Chris Eckman & Chantal eta Pet Fennec kantatuko dute Donostiako Aquariumean. Halaber, hilaren 26an, The Coup + Albert Cavalier, Amor de Tokyo eta Ventura taldeen txanda izango da. Azken horiek Uliako hazitegietan eskainiko dituzte euren emanaldiak.
Literatura
Literatura gustuko dutenek William Shakespeare-n lanik adierazgarrienetako bat ikusteko aukera izango dute Kristina Enea parkean: Uda-gau bateko ametsa. Ekainaren 21etik uztailaren 24ra arte izango da ikusgai.
Erakusketak
Ekainaren 3tik 12ra bitartean, hainbat marrazkigile ezagunen lanak eskegiko dituzte Errege Katolikoen kalean, erakusketa handia sortzeko asmoz. Gainera, hitzaldiak, tailerrak, kontzertuak, ipuin-kontalariak eta ibilbide gidatuak egongo dira ere.
Bestalde, arte eszenikoak lantzen dituzten hamasei profesional elkarrekin biziko dira bi astez. Helburua partaideen gaitasun ezberdinetan oinarritutako proposamen eszeniko bat garatzea da.
Bakearen eta gatazka armatuen inguruan hausnartzeko eta parte hartzeko aukera egongo da ere, “Bakearen milia” izeneko ekimenari esker.
Halaber, Irun eta Hendaia batzen dituen Santiago zubia eraldatuko da eta hausnarketarako leku bihurtuko dute gune hori. “Mugaenea” jarduerak uztailera arte iraungo du.
“In varietate concordia” proiektuak, Donostia 2016ren balioak sustatzeaz gain, hiriaren hizkuntza aniztasuna ezagutzera eman nahi du. Horregatik, hizkuntza desberdina duten hamaika donostiarrek berdin ahoskatuta ere esanahi desberdinak dituzten hitzak aurkituko dituzte.
Albiste gehiago kultura
Euskalduna izango da ‘Mastodophonika’ ikuskizunaren eszenatokia, irailaren 5 eta 6an
Ekitaldian Mastodonte, Leioako San Juan Bautista Abesbatza eta Euskadiko Gazte Orkestra (EGO) igoko dira taula gainera.
HIGA Hizkuntza Gutxituetako Gazte Hiztunen Topaketaren inaugurazio ekitaldia
Goi-bilera uztailaren 14tik 18ra egingo da, Gasteizen. Ekitaldiak parte-hartzaileei tailerrak, hitzaldiak eta eztabaida-panelak eskainiko dizkie, hizkuntza berreskuratzeari, gazteen aktibismoari eta nazioarteko sareak sortzeari buruzkoak.
Bilboko Arte Ederren Museoak 1970eko eraikina berriro zabalduko du urriaren 8an, egitarau berezi batekin
Irekierarekin, museoak "mugarri garrantzitsua jarri du" bere eraldaketan, eta 2026ko ekainean aurreikusitako 'Agravitas' espazioaren inaugurazioarekin amaituko da.
Jon Esnaola Agirre musikariak eta Xabier Etxeberria Mauleon filosofoak jaso dute Eusko Ikaskuntza saria
Esnaolak (Tolosa, 2000) Eusko Ikaskuntza-Laboral Kutxa Gazte Saria 2025 jaso du ‘LUUR, Nestor Basterretxearen oroimenez’ lanarengatik. Xabier Etxeberria Mauleonek (Arroitz, 1944), Eusko Ikaskuntza-Laboral Kutxa Humanitate, Kultura, Arte eta Gizarte Zientzien saria.
Albiste izango dira: Bilbao BBK Live, laugarren entzierroa eta Sanchezen agerraldiaren biharamuna
Gaurkoan albiste izango direnen laburpena, bi hitzetan.
Hasi dira iristen BBK Live jaialdira joatekoak diren lehen musikazaleak
Goiztiarrenek San Mamesen eta BECen jarri dituzten postuetara jo dute pultserak eskuratzeko. Kanpina eguerdian zabaldu dute. Aurten, 6.000 lagun inguru espero dituzte bertan, eta lehenengoak dagoeneko igo dira horretarako apropos prestatutako autobusetan.
Joxe Azurmendi: "Euskaltasun jatorra egin egin behar da"
Euskal pentsalari oparoa atzo zendu zela eta, 1994an Hasier Etxeberriak "Ez dago larrosarik" saiorako egin zion elkarrizketako pasarte batzuk berreskuratu ditugu. Arantzazu, euskaltasuna, artea eta filosofia hartu zituen hizpide, besteak beste.
Txomin Olabarri, Azkuna Zentroko zuzendari nagusi berria
2018ko maiatzetik 2024ko abendura bitartean Azkuna Zentroko zuzendari izan zen Fernando Perezek kargua bere borondatez utzi ondoren, Olabarri izendatzea erabaki dute.
Milaka lagunek gozatu dute Bilboko Itsasadarreko ur gaineko kontzertuez
Bero egin arren, milaka lagun gerturatu dira Bilboko Itsasadarrera BBK Riak antolatutako kontzertuetara. ETSko Iñigo Etxezarreta, Amaia eta Arde Bogota ur gainerako eszenatokian aritu dira gerturartu direnen gozamenerako.
Itziar Mendizabal dantzariak amaiera eman dio bere ibilbide bikainari Londresko Royal Ballet konpainian
Lau urterekin hasi zen balletean lehen urratsak ematen, eta dantzarako grinak, besteak beste, Alemaniara eraman du. Hondarribiko dantzariak alde batera utziko ditu eszenatokiak, baina ez balleta. Londresko konpainia ospetsuak bere goi mailako dantza eskolako irakasle izateko fitxatuko duela iragarri du.