Bilboko Arte Ederren Museoan Gaur taldearen erakusketa aurkeztu dute
Lorea Bilbaok, Euskara eta Kulturako foru diputatua, Javier Viarrek, Bilboko Arte Ederren Museoko zuzendariak eta Pablo Berasteguik, Donostia 2016 Fundazioko zuzendariak, aurkeztu dute erakusketa Bilboko Arte Ederren Museoan.
Gaur taldea, 1966. urtean aurkeztu zen Donostiako Barandiaran galerian egindako erakusketaren eta adierazpenaren bidez. Oteiza eta Chillida izan ziren nazioarteko aitorpen handiena lortu zuten zortzi sortzaileen talde honen kideetako bi. Guztien artean euskal arteko ‘konstelazio’ handi eta berritzaileena sortu zuten, diktadura frankistan, sorkuntzarako unerik zailenean.
Gerra Zibilaren eta diktaduraren ondorioz Euskal Eskola ezerean gelditu zen eta artean herentzia modernoa berreskuratu nahi izan zuten. Horrela bada, Bizkaian, Emen eta Orain sortu ziren eta Nafarroan eta Iparraldean, Danok eta Baita. Halere, azken bi hauek ez ziren modu formalean eratu. 1969. urtean amaiera eman zioten abentura honi, artea bera eta haren inplikazio politikoak zein sozialak ulertzeko desadostasunak sortu zirelako Gaur taldean bertan.
Aurten, erakusteka horren berrogeita hamargarren urteurrena da eta, bertan elkartutako artisten poetikak eta aukeraketa artistikoak era guztietakoak baziren ere, lurraldeko abentura handienetakoa garatzeko gai izan ziren. Hori dela eta, Fernando Golvano komisarioa dela, erakusketa nagusi handia antolatu da San Telmo Museoan eta Donostiako zenbait aretoetan, Okendo Kultur Etxean, Kur Art Gallery eta Altxerri galerian esaterako.
‘Erakusketa hedatuaren’ kontzeptupean, Bilboko Arte Ederren Museoak bi eratara egingo du bat ekimen horrekin. Batetik, bere bildumako sei lan aldi baterako laga dizkio San Telmo Museoari eta bestetik, arte garaikidearen areto handian, bere fondoetan dauzkan Gaur taldeko zortzi artisten 74 lan aurkeztuko ditu.
Apirilaren 4ra arte izango dira ikusgai Gaur taldeko artisten obrak, ‘1966 | Gaur Konstelazioak | 2016’ proiektuaren baitan Bilboko museoan.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.