Euskal mitologiaz diharduen euskarazko bideo joko bat merkaturatu dute
Bizkaiko Aldundiak, Binary Soulek eta Elkar argitaletxeak “Sorginen kondaira” euskarako bideo jokoa aurkeztu dute. 3D-ko jokoa euskal mitologian girotuta dago, eta euskaraz joka daiteke.
Binary Soul Bilboko kooperatibak garatu du jokoa, Eusko Jaurlaritzaren, Bizkaiko Aldundiaren eta Bilboko Udalaren laguntzaz, eta Elkar argitaletxeak merkaturatu du, Ana de Castro Bizkaiko Aldundiko Euskarako zuzendari nagusiak gaurko aurkezpenean azaldu duenez, “euskara eta euskal kultura umeei eta publiko gazteari gerturatzeko". Endika Campo Binary Souleko zuzendari teknikoa izan du lagun De Castrok aurkezpenean.
Horren ildotik, De Castrok adierazi du “Euskadin euskal mitologian girotuta egindako lehen bideo jokoa” dela “Sorginen kondaira”, eta “ezinbesteko tresna” iruditzen zaio, “modu gustagarrian gure herriko mitologian sakontzeko aukera ematen eta euskara sustatzen baitu”.
Sorgina izateko ikasten ari den neska gazte bat da jokoaren protagonista, eta Sorgina Pirulinaren pertsonaia izan dute oinarri berori sortzeko, Endika Campok azaldu duenez: “Sorgin izendatzeko tenorean, Gauekok akelarre bati erasoko dio, eta sorgin guztiak etxejaun bilakatuko ditu, eguzki loreak kenduz. Orduan, protagonistak ahizpa guztiak askatu eta botereak eta eguzki loreak berreskuratu beharko ditu”, haren hitzetan.
Besteak beste, Sorginetxe trikuharria, Omako Basoa, Zugarramurdi eta Tartaloetxe agertzen dira jokoan, eta Mari, Basajaun eta lamiak topatuko ditu bertan sorgingai gazteak.
Euskara, aisialdirako erreferente
Aldundiaren eta Binary Soulen ordezkariek euskara bideo jokoetan agertzearen garrantzia azpimarratu dute; izan ere, “bide jokoak gero eta erreferentzia garrantzitsuagoa dira aisialdian, batik bat gazteenentzat”.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.