Letek Txirrita auzibidean jarri zuenekoa berreskuratu dute
Donostia 2016k Gabon, Txirrita proiektua aurkeztu du gaur, Xabier Letek idatzitako izenburu bereko obran oinarrituta. Obrak bertsolariari eginiko epaiketa bat irudikatzen du, umorezko tonuan, eta emankizunak irailaren 10ean Donostian eta hil bereko 23an Urnietan izango dira.
Proiektuan, Urnietako Udala, Donostia Kultura eta Donostia Festak erakundeek hartu dute parte. Gabon, Txirrita Donostia 2016ren Bakearen Itsasargiaren baitan dago; izan ere, obrak hausnarketa zabal bat egiten du itsasargi horretan jorratzen diren zenbait alderdiren inguruan, hala nola giza eskubideen eta bizikidetzaren inguruan.
Urnietako hogeita hamar aktore amateurrek baina gehiagok osatutako talde batek antzeztuko du obra. Parte-hartzaile gehienek badute aurretiko esperientziaren bat, eta konpromiso handia dute denek proiektuarekin, Urnietak tradizio handia baitu antzerkiaren arloan. Han antzeztu zen, hain zuzen, Leteren obra duela 34 urte.
Letek berak zuzendu zuen antzezlana orduko hartan, eta zenbait paper ere jokatu zituen. Donostia 2016k antzerkiarekiko zaletasun hau bildu nahi izan du, eta, horretarako, funtzioa Urnietan egin nahi izan du, 1982an hiru egunetan jarraian sarrera guztiak agortu zituzten antzezpen haiek gogoan hartzeko.
Irailean taularatuko duten obrak ahalik eta fidelen jarraitzen dio jatorrizko testuari. Aldaketaren bat egin dute, hala ere: emakumezkoek jokatutako paper gehiago, atrezzoa, estetika, musika eta abar. Adibide gisa, 1982an Txirritaren defentsariarena egin zuen pertsonak, Jokin Izagirrek, paper bera jokatuko du aurten ere.
Mikel Laskurain eta Miren Gojenola zuzendari eta aktoreak ari dira zuzendaritzan.
Saioak eta sarreren salmenta
Antzezkizunak, beraz, Trinitate plazan, Donostian (irailak 10, 21:00) eta Urnietako kiroldegian (irailak 23, 22:00) izango dira. Sarrerak salgai daude dagoeneko, 5 euroko prezioan.
Obra berria, Atxagaren eskutik
Proiektuari azkena emateko, Bernardo Atxagak beste obra bat idatzi du, Xabier Leteren obratik abiatuta. Obra hori antzerki-talde profesional batek antzeztuko du, abenduan, Donostia 2016ko arduradunek aurreratu dutenez.
Zure interesekoa izan daiteke
"Olatuaren enbatean. Emakumeak eta itsasoa XX. mendean" erakusketa Bermeoko Arrantzaleen Museoan
Kostaldeko emakumeen lana funtsezkoa izan da arrantzan eta itsas historian, baina ez da aintzakotzat hartu izan; gizonezkoena izan da beti ardatz. Hori dela eta, emakume horien lanak izan duen, eta duen garrantzia aldarrikatzeko, Bermeoko Arrantzaleen Museoan Olatuaren Enbata erakusketa antolatu dute. Neskatila, saregile kontserberetako langile zein emakume armadoreen eguneroko lana erakusten duten objektuak jaso dituzte, baita emakume horien testigantzak ere. Era berean, bisita gidatuak zein hitzaldiak eta mahai inguruak eskainiko dituzte.
ZuNonHanDA! azoka ibiltariak Durangoko Azoka zabalduko du
Azaroaren 17tik abenduaren 4ra, Durangoko Kulturaren Jaialdia hasteko bezperara arte, 22 liburu aurkeztuko dituzte Euskal Herriko 19 liburu dendatan. Lehenengoz, Azoka egin aurretik egingo dute ZuNonHanDA!, bost aldiz haren ondoren egin eta gero.
"Hasiera bat" diskoaren birako azken kontzertua eman du Gorka Urbizuk, Victoria Eugenia Antzokian
Gorka Urbizuk igande honetan eman du "Tour Bat" biraren azken kontzertua, Victoria Eugenia Antzokian (Donostia). Lekunberriko musikariak 4 kontzertu eskaini ditu Donostiako antzoki horretan, eta sekulako harrera eta berotasuna jasota, denetan agortu ditu sarrera guztiak. Igandeko kontzertua ikusgai izango da oso osorik ETBn.
Eñaut Elorrieta eta Alos Quartet “Ahots kordak” prestatzen ari dira, kontzertu bakanen sorta
Estreinakoz, Eñaut Elorrietak eta Alos Quartetek kontzertu sorta bat emango dute: "Ahots kordak". Taldea sinplea eta eraginkorra izango da: soka laukote bat, ahotsaz osatua. Bidaia musikal honen lehen geldialdia Tolosan izango da, urtarrilaren 3an. Gasteizen, Zornotzan eta Donibane Lohizunen arituko dira gero.
Oinkari taldeak dantzan ospatuko du bere mende erdia
Villabonako dantza taldeak “50 urte dantzan” ikuskizuna taularatuko du Olaederra kiroldegian ostiralean, hilak 21. Korrontzi folk taldea urteurrenari batu zaio, “Oinkari 50” kantuaren bidez.
Durangoko Azokaren 60. edizioaren iragarkia
Durangoko Azokaren 60. edizioa abenduaren 5etik 8ra izango da. Iratxe Reparazen bizkar dago aurtengo Azokaren zuzendaritza kreatiboa.
Olaso Dorrea Fundazioaren funtsak handituz doaz, dohaintza baliotsuei esker
Olaso Dorrea Fundazioa bere artxiboak eta Monzon-Olaso Etxe Museoaren bilduma (Bergara) handitzeko eta aberasteko lanean ari da. XX. mendetik gaur arteko historian sakondu nahi du Fundazioak, bai eta ezagutarazi ere, eta, bide horretan, hauek jaso dituzte: Telesforo Monzonek gordetako Sabino Aranaren mikrofilmatutako obraren kopia bat, Lauaxetaren gabardina eta gurutzea, Karmele Urrestiri eta Txomin Letamendiri (Karmele filmeko protagonistak) Agirre lehendakariaren Gobernuak emandako dokumentazioa, Otaegi eta Garmendiaren aldeko pankarta, bala tiroz zulatutako Txomin Iturberen alkandora eta Txillarre baserriko lehen akordioaren originala.
“Gipúzcoa” Pio Caro Barojaren dokumentala, Tabakaleran
“Ipuscua” izena lehenbizikoz agertu zeneko milagarren urteurrenaren ospakizunei dagokie proiekzioa. Pelikula 1976 eta 1979 urteen artean filmatu zuten, eta Gipuzkoako orduko errealitate sozial eta kulturala jasotzen duen dokumentu etnografikoa da.
Frankofoniaren eremuan hizkuntza gutxituek dituzten erronkei buruzko biltzarra antolatu du Etxepare Institutuak Parisen
Astelehen honetan egindako aurkezpenean azaldu dutenez, hilaren 19an eta 20an egingo den topaketak bat egiten du Etxepare Euskal Institutuaren 15. urteurrenarekin, eta 'Ça colle au basque' ekimenaren testuinguruan antolatu da, unibertso frankofonoan euskararen eta euskal sorkuntzaren proiekzioa indartzeko abiatutako egitasmoaren baitan, alegia.
"GO!AZEN" telesailaren 12. denboraldia ikusgai da jada MAKUSI plataforman
Gaur goizetik, "GO!AZEN" telesailaren 12. denboraldiaren lehen atala MAKUSIn da ikusgai. ETB1era, aldiz, ostiralean iritsiko da. Basakabiko gaztetxoek abentura ugari biziko dituzte oraingoan ere. Udalekua guztiz aldatuta ikusiko dugu, Maitane zuzendariaren ideia berriekin eta adingabeen zentrotik etorritako gazteekin. Aurtengo istorioekin, elkar ulertzearen eta taldean aritzearen garrantziaz ohartarazi nahi dituzte ikus-entzule gazteak.