Durangoko Azokak 'Sormenaren lurraldea DA!' leloa hautatu du 52. ediziorako
Durangoko Azokaren 52. edizioaren kartela eta ildo nagusiak aurkeztu dituzte gaur Bizkaiko aipatu udalerriko Kurutzesantu Museoan. Prentsaurrekoan aurreratu dutenez, "Sormenaren lurraldea DA!" leloari eutsita iritsiko aurten Azoka, abenduaren 6tik 10era. Hain zuzen ere, Nerea Mujika Gerediaga Elkarteko presidentea izan da aurtengo leloa aurkeztu duena: "Sormenaren unibertsoak ez dauka mugarririk, sormenaren beraren mugetaraino iristen da. Unibertso horren oinarria kultura da, eta euskararen inguruan dabil berori".
Hala, Durangoko Azokan gauza asko gertatuko direla azaldu du: jendetza, liburuak eta diskoak, istorioak, abenturak, melodia berriak, ikuskizun apartak, emozioa, pasioa, gogoeta...
Halaber, Mugikak gogora ekarri du 52 egun falta direla Landako guneko urteko hitzordu nagusienak ateak irekitzeko, alegia, Azokak aurten beteko dituen edizioen kopuru berbera.
Kartelari dagokionez, Jose Antonio Sistiaga margolariak egin du diseinua, eta berorren pelikula esperimental bateko filmina batean dago oinarrituta.
Sistiagaren artelana
Gaurko prentsaurrekoaren bigarren plater nagusia kartelaren aurkezpena izan da. Oraingo honetan Jose Antonio Sistiagari egokitu zaio "sormenaren unibertsoa" irudiz hornitzea. Horretarako, Impresiones en la alta atmosfera pelikularen filmina batean oinarritu da Sistiaga.
1932an Donostian jaioa, Euskal Herriko margolari adierazgarrienetakoa da Sistiaga.
Ikasle Eguna
Durangoko Azokaren bigarren egunean jende gaztearen topaleku bihurtuko da Landako. Izan ere, abenduaren 7an, Ikasle Egunak hartuko du lekua bertan. Gainerako bisitariek ere izango dute aukera egun horretan Azoka bisitatzeko.
Helduentzako tailerrak
Ikastetxeetatik heldutako jendeari zuzendutako tailerrak ez ezik, bigarren urtez jarraian helduentzako tailerrak ere hartuko ditu Azokak. Batik bat, euskara ikasleentzako hitzorduak izango dira: rap tailerra, Durangoko bonbardaketaren aztarnei buruzko visita gidatua, itzulpengintza tailerra eta "Autodefentsa digitalaren hastapenak" tailerra.
Izena emateko epea urriaren 31ra arte egongo da irekita.
Ahotsenearen 10. urtemuga
Datozen asteetan Ahotsenearen 10. urteurrena ospatuko du Azoka, herriz herri. Hurrengo geralekua Bilbon izango da, urriaren 20ean, non Mikel Etxaburu idazlea eta Kintsukoroi musika taldea elkartuko diren Bizkaiko hiriburuko BIBA kulturgunean.
Azaroaren 3an, berriz, Gasteizko Oihaneder Euskararen etxean Keu Agirretxea & Jon Gurrutxaga musikariak eta Karmele Jaio bilduko dira.
Bukatzeko, azaroaren 16an Azpeitiko San Agustin Kulturgunea Gorka Urbizu abeslariaren eta Gotzon Barandiaran idazlearen topaleku izango da.
leku izango da.Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.