Euskaraldiarekin bat egindako herrietako batzordeen mintegia egingo dute larunbatean
Martxoaren 17an Bilboko Itsas Museoan bilduko dira Euskaraldia proiektuarekin bat egin duten herrietako batzordeetako kideak. Bertan, besteak beste, Euskaraldiaren diskurtsoa eta oinarri teorikoa elkarbanatuko dituzte.
Euskaraldia euskal hiztunak aktibatzea helburu duen ekimena 2018ko azaroaren 23tik abenduaren 3ra egingo da.
Urtarrilaren bukaeratik dago herrien izen-emate epea zabalik eta astez aste gero eta gehiago dira Euskaraldira batzen ari diren herriak.
70 herritatik gora daude izena emanda eta hurrengo hilabetean zehar herri gehiagok emango dute izena. Herri hauetako batzordeetan ari diren lagunei zuzenduta dago martxoaren 17ko mintegia.
09:30ean batuko dira partaideak museoko auditorioan. Harreraren ostean, ekimenaren oinarri teorikoak, diskurtsoa eta mugarriak azalduko dituzte. Behin teoria bukatuta, ariketa praktikoen eta proposamenen txanda izango da. Hona egitarau osoa:
EGITARAUA
09:30-09:50 Harrera
09:50-10:00 Ongi etorria eta eguneko egitarauaren azalpena
10:00-10:30 Ekimenaren oinarri teorikoak
10:30-11:15 Euskaraldiaren diskurtsoa eta mugarriak
11:15-11:30 Ariketa praktikoa: Euskaraldiaren kokapen geografikoa
11:30-12:00 Atsedena eta kafea
12:00-12:45 Nola iritsi herritarrengana? Tokiko sareak osatzeko hainbat proposamen
12:45-13:15 Prestakuntza eskaintza eta borondatezko prestatzaileak.
13:15-13:30 Euskaraldiaren ikerketa-proposamena.
13:30-13:45 Itxiera
Mintegia irekia izango da, Euskaraldiaren antolaketan aritu nahi duen edozein herritarrek parte hartu ahal izango du, baina beharrezkoa da aurretik mintegirako izena ematea.
Mintegiari buruzko informazio gehiago eskuratzeko info@euskaraldia.eus helbidera bidali daiteke mezua edo 688 742 101 deitu.
Albiste gehiago kultura
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Springsteenen zaleak gogotsu daude "The Boss" handiak Reale Arena dantzan jarri aurreko orduetan
Bruce Springsteenek bi kontzertu eskainiko ditu Donostian (larunbatean eta asteartean) "The Land of Hope and Dreams" biraren barruan. 2016an izan zen azkenekoz estatubatuarra Euskal Herrian. Springsteenek 17 musikari eta abeslari izango ditu alboan, E Street Bandeko kide historikoak barne.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
Euskal Museoak 2026ko bigarren hiruhilekoan irekiko ditu ateak berriro
"Enbor arina", euskal kulturaren ikurra, Miserikordia eraikinean jarri dute Bilboko museoaren berrikuntzaren parte gisa. 2026an ateak berriro irekitzea espero dute.
Itziar Ituño protagonista duen ''Argi gorriak'' telesaila grabatzen ari dira egunotan
Alberto Gastesik zuzenduta, umorea, intriga eta drama familiarra uztartzen ditu EITBren parte-hartzea duen telesailak.
"Eguerdi on", Euskaltzaindiak ez du "gibel egin" eta hainbat hitz hiztegiratu ditu
Azken sei hilabeteetan, Euskaltzaindiak 774 forma berri jaso ditu bere hiztegian, "eguerdi on" eta "gibel egin" tartean, 1.635 forma zuzendu edo osatu ditu eta hiru sarrera kendu ditu. Guztira, 52.091 forma jasotzen ditu orain "Euskaltzaindiaren Hiztegia"k.
Fermin Leizaola etnografoa zendu da
81 urte zituen Euskal Herriko artzaintzaren kultura ikertu eta dokumentatu zituen gizonak. Aranzadiko Etnografia saileko zuzendari izan zen, 45 urtez, eta Eusko Ikaskuntzaren Manuel Lekuona saria jaso zuen 2018an.
Gerediaga Elkarteak 60. urteurrena ospatuko du
Ekitaldia egin du larunbat honetan Abadiñoko Gerediaga auzoaren zelaietan, 1965an elkartea abiatu zuten leku berean, alegia. Gainera, Gotzon Gomez elkartearen presidente berriak Nerea Mujikaren lekukoa hartu du, 22 urteren ondotik.