Porrotxek Iruñean izango direla hitzeman du: 'Udalarekin, edo Udalik gabe'
Pirritx, Porrotx eta Marimototsek hitzeman dute urtea amaitu aurretik Iruñean ikuskizuna emango dutela, "Udalarekin, edo Udalik gabe".
Pailazoek, Iñigo Santxo abokatuarekin batera, prentsaurrekoa eman dute Iruñeko Katakrak liburudendan, hilaren 29an Baluarten egin behar zuten ikuskizuna bertan behera geratu ostean.
Udalak atzera bota zuen emanaldia, kontratuan irregulartasunak izan zirela argudiatuta, baina Iñigo Santxo abokatuak atzera egiteko eta "suspentsioa" altxatzeko deia egin dio.
Joxe Mari Agirretxe 'Porrotx'ek, haur eta gurasoen babesean emandako prentsaurrekoan, hitzeman du urtea amaitu aurretik Iruñean izango direla, "Udalarekin, edo Udalik gabe", eta haurrei eskatu die bidaltzeko gutunak Enrique Maya alkateari "marrazkiekin, musuekin eta ostadarrekin".
Santxok gogorarazi duenez, Maider Beloki Kultura zinegotzi zenak "kontratu artistikoa" egin zien pailazoei azaroaren 29ko ikuskizunerako, aurretik beste emanaldi batzuetarako egindako kontratu "berdin-berdina", eta "inork salatu ez zuena".
"Ezustekoa urrian iritsi zen, ofizioz berrikuspen txostena abiarazi zutela jakinarazi zigutenean. Oso ezohikoa da txosten hori egitea, eta ezaugarri batzuengatik kontratua baliogabea zela esaten zuen", adierazi du abokatuak.
Pailazoek argudiatu zuten kontratua baliozkoa zela, artistikoa delako, eta ez duelako behar egungo Kultura zinegotziak aipatzen dituen txostenak. Orain Nafarroako Kontseiluaren esku dago auzia, baina hurrengo bilera ez da abenduaren 4a baino lehenago izango, hau da, ikuskizuna aurreikusia zegoena baino geroago.
Horregatik, Santxok uste du Udala ez dela zuzen jokatzen ari, eta Arartekora jo eta horrek arrazoia eman die.
Abokatuarentzat, Udalak "gehiegikeriaz" jokatu du, Maider Belokik kontratua "sinatzeko eskumena" zuelako, eta ez dagoelako "inolako irregulartasunik". Hori dela eta, Udalari eskatu dio "atzera egiteko", Arartekoaren iritziari jaramon egiteko, eta suspentsioa altxatzeko.
Zure interesekoa izan daiteke
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko du Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.