'Berri Txarrak. Berba eta irudia': grina ordenatu eta paperean jarria
“Atrakua eta kontzertua ez dira elkarren oso ezberdinak: prestaketa lan handia eskatzen dute, ziztuan pasatzen dira eta gauza asko atera litezke txarto”, Gorka Urbizuk Harkaitz Canori “Berri Txarrak. Berba eta irudia” liburua prestatzeko izan dituzten elkarrizketetako batean esan zionez.
Eta, hain zuzen, hori bildu du Berri Txarrakek 300 orriko eta bi kiloko liburu dotorean, Eider Iturriaga eta Ibai Arrieta argazkilarien irudien eta Harkaitz Canoren berben bidez: bira baten argi-ilunak. 'Ikusi Arte' taldearen agur bira “berezi eta ahaztezinean”, Gorkaren hitzetan “dena muturrera eraman duen” kontzertu sortan, gau eta egun lagun izan dituzte hiru taldekideek eta horien laguntzaile teknikoek bi argazkilariak, nola agertoki gaineko une dirdiratsuetan hala rockaren ñirñirari, sutxakurrei, nekea, bakardadearen ausikia, ordu mortuetako asperdura eta lo falta gailendu zaizkienean.
“Oso eskuzabala izan da lantalde osoa”, Ibai Arrietak Ahotsenea Solasaldiak Durangoko espazioan egindako aurkezpenean azaldu duenez, “elkarrekiko konfiantza lantzen joan gara, eta bira baten ohiko giroarekin kutsatu gara. Horrek bene-benetako argazkiak egitea ahalbidetu digu”.
“ikusezin bihurtu gara, denok elkarri egokitutakoan, eta orduan etorri dira argazkirik onenak, emozioen bila joan ahal izan garenean eta taldea agertokiaren atzean ere erretratatu”, Eider Iturriagaren esanetan.
Harkaitz Canok, bestalde, sarkin baten gisara ikusi du bere burua proiektuan murgilduta. “Nik kontzertu batzuk ikusi ditut, baina ez naiz beraiekin biran joan. Beraz, espioi lana egin dut testuak idatzi aurretik, gutxi gorabehera”, azaldu duenez.
Berri Txarrakek inoiz izan duen urte gorabeheratsuenean, ez zegoen tokitik jarduera etengabeari lipar bat ostuz, Harkaitz Canok eta Gorka Urbizuk hainbat elkarrizketa izan dituzte, eta hortik jaso du bere testuetarako materiala idazleak. “Atal batean, sakrilegio bat egin dut: musika eta Gorkaren hitz on eta sofistikatuak banandu, horien misterioa argitzen saiatzeko. Ez dut lortu”, aitortu du Canok gaurko solasaldian.
25 urteko goranzko ibilbide atergabeari azkena jarri dion biraren dokumentu grafiko-literarioan parte hartu ahal izateari “ohorea” iritzi dio Eider Iturriagak, eta Ibai Arrietak, bestalde, nabarmendu du, “ardo ona bezala”, liburua ere ondu egingo dela denborak aurrera egin ahala: “Taldearen arrastoa bero-bero dago, eta urak lasaitutakoan hartuko du benetako indarra liburuak. Argazki onekin ere, hori gertatzen da”, esan du.
Berri Txarrakek etenaldi mugagabea abiatu zuen Iruñean, azaroaren 23ko gau gogoangarrian, hamabost mila lagunek egindako “Oihu”aren azken akordea margultzeaz bat, baina, inguru lanbrotsuan, badira oraindik eskura ditugun gauza iraunkor gutxi batzuk, berba, irudia eta musika, esaterako. Ez da gutxi.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.