Erreferenteetatik abiatuta, proposamen berritzaileak plazaratu nahi ditu Loraldiak
Loraldia Festibalak atzera eta aurrera begira jarraituko du, zazpigarren edizioan, Xabier Lete, Joseba Sarrionandia, Agustin Xaho eta beste hainbat erreferenterengandik abiatuta Idoia Asurmendi, Olatz Salvador, Ainhoa Urgoitia, Zetak, Garazi Etxaburu eta beste sortzaile gazte batzuen sormen lanetara.
On line egindako aurkezpenean azaldu dutenez, aurtengo edizioan antzerkia, dantza, musika, literatura, zinema, artea eta bertsolaritza izango dira presente, eta, berrikuntza moduan, rol jokoek eta kabaretak ere tokia izango dute programan.
Osasun krisia dela eta, baina, emanaldien bertatik bertarako ikusle kopurua mugatuta egongo da, noski, eta eitb.eus-ek bi ekitaldi zuzenean eskainiko ditu, nonahi ikusi ahal izateko: martxoaren 17an, Haatik Dantza Konpainiak “mugimendua emango dio bertsoari”: Sustrai Colina, Xalbador, Aitor Mendiluze, Lazkao Txiki, Uxue Alberdi eta Odei Barroso bertsolarien errimekin egingo dute dantza bost dantzarik. Igelaren Bandak jantziko ditu bertso garaikide eta tradiziokoak, eta Thierry Biscary, Maddalen Arzallus eta beste hainbatek jarri diote ahotsa.
Bigarrena martxoaren 20an izango da, “Bozak. Emakumea eszenan”. Olatz Salvadorrek eta Idoia Asurmendik “emakumeak eta eszena” solasaldian parte hartuko dute, Maddalen Arzallusek gidatuta, eta elkarrekin abestuko dute.
Literaturaren arloan, Mikel Ayllon, Miren Agur Meabe, Leire Bilbao, Antxiñe Mendizabal, Bigara bikotea, Mikel Antza eta Karlos Linazasoro idazleak izango dira, besteak beste, Loraldian, denetariko irakurraldi, aurkezpen eta bestelakoak egiten.
Musikari dagokionez, Haizea Martiartu jazz musikaria, Zetak musika taldea, Ihintz Potorena, Olatz Salvador, Idoia Asurmendi eta Basabi taldea arituko dira, eta, bertsolaritzaren esparruan, Beñat Gaztelumendi, Jone Uria eta Oihana Iguaran entzuteko parada izango da, Xabier Lete eta Etxahun omentzen, besteak beste.
Dantzak ere izango du bere tokia Loraldian: Pantxika Telleria koreografoa, “Tradizioa eta dantza” mahai-ingurua, Haatik konpainiaren ikuskizuna, Txak Txak klakea, txalaparta eta pianoa uztartzen dituen ikuskizuna, Garazi Etxaburu…
Eta zinemaren esparruan, “Bizimina” film laburra, “Margolan bat oparitzen didazu?” dokumentala, eta “Zumiriki” Oskar Alegriaren lana eskainiko ditu Loraldiak.
Hori eta askoz gehiago eskainiko du programan Loraldia Festibalak, Bilbon, hogei egunez.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.