2022ko Durangoko Azokaz gozatzeko informazio guztia: noiz, non, ordutegiak, nobedadeak…
Euskal kulturaren plaza bueltan da! Ordu gutxi batzuk besterik ez dira falta 2022ko Durangoko Azokaren ateak irekitzeko, eta euskal kulturaren "eztanDA!" bizitzeko. Hona hemen zure bisitarako erabilgarri den informazio guztia:
DATAK:
2022ko abenduaren 7tik 11ra bitartean.
ORDUTEGIA:
10:30etik 20:00ak arte, eta, beti bezala, sarrera doakoa izango da.
NOLA IRITSI:
Garraio publikoa erabiltzea gomendatu dute: autobus zerbitzua (Bizkaibus) nahiz trena (Euskotren).
Dena dela, autoz iristen direnentzako Landako Gunea eta inguruko aparkalekuak lotuko dituen autobus-zerbitzua izango da (10:30etik 20:00ak arte, 20 minuturo). Hona hemen aparleku horien mapa eta lotura-autobusaren geltokiak.
LEKUAK:
Aurten, zorionez, azoka erabat presentziala izango da, izan ere, pandemia aurretiko egoerara itzuliko gara. Ekitaldiak orohar bi plazatan antolatuko dira:
-LANDAKO GUNEA: 248 stand izango dira, 176 parte hartzailerekin (argitaletxeak, diskoetxeak...), eta horietatik 34, lehenengo aldiz etorriko dira Azokara. Hona hemen mapa.
-AHOTSENEA: Plateruenako gunearen 15. urteurrena ospatzeko, bost eguneko musika maratoia egingo dute. Guztira, 47 kontzertu eskainiko dituzte.
NOBEDADEAK:
930 nobedade izango ditu 57. edizioak: 689 liburu, 141 musika-produktu, 46 aldizkari eta 54 bestelakoak (ikus-entzunezkoak, papergintza, etab.).
EGITARAUA:
Azokako gune guztietan 250 ekitaldi kultural baino gehiago antolatuko dituzte. Ikusi hemen egitaraua, osorik.
ONLINE EROSTEKO:
Azokan bertan ez ezik, liburu, disko edo jolas guztiak salgai egongo dira ere Durangoko Azokaren online dendan.
Zure interesekoa izan daiteke
Juan Tamariz magoa hil da, 83 urte zituela
Mundu osoan zen ezaguna, kartomagian, hurbileko magian eta mentalismoan espezializatua zegoen, eta bere ikuskizunetan humorea erabiltzen zuen.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.