Albiste izango dira: Euskaraldia, ekaitza Araban eta Nafarroan, eta gorreria eta bideojokoak
Honako gai hauek hartuko dituzte gaur, 2025eko maiatzaren 15ean, hedabideetako lerroburu nagusiak:
- Euskaraldia 2025: Euskaraldiaren laugarren edizioa gaur hasi eta maiatzaren 25era arte egingo da, udaberrian lehen aldiz. "Elkar mugituz egingo dugu" da euskararen erabilera aktibatzeko hamaika eguneko ekimen honen aurtengo leloa. Ohi bezala, herritarren ezagutzatik erabilerarako urratsa egitea izango da Euskaraldiaren helburu nagusia, euskara ulertzen duten hiztunek hizkuntza ohiturak aldatzea.
- Ekaitza Araban eta Nafarroan: Euriak eta txingorrak eragozpen ugari eragin ditu azken orduetan Euskal Herriko hainbat txokotan, bereziki, Araban eta Nafarroan. Tafallan (Nafarroa), zehazki, Puiun, 50 litro pilatu dira ordubete eskasean. Dulantzin (Araba), kazkabarrak kaleak zuritu ditu (21 litro ordubetean), eta gauza bera gertatu da Araian eta Ilarduian (Asparrena, Araba) ere, ordubetean 60 litro pilatu baitira metro koadroko. Gasteizen ere 29 litro jaso dira ordubetean.
- Gorreria eta bideojokoak: Munduko Osasun Erakundearen arabera (MOE), 1.100 milioi gazte baino gehiago gorreria jasateko arriskuan daude, bideo-jokoek eragindako kaltea dela eta. Munduko Osasun Erakundearen arabera, esposizio segurua 80 dezibeliokoa da astean 40 orduz. Hala ere, ikerketen arabera, bideojokoetako soinuek muga horiek gainditu egiten dituzte maiz, eta jokalariek entzumenean kalte handia izateko arrisku handia dute.
Albiste gehiago kultura
Itziar Ituño protagonista duen ''Argi gorriak'' telesaila grabatzen ari dira egunotan
Alberto Gastesik zuzenduta, umorea, intriga eta drama familiarra uztartzen ditu EITBren parte-hartzea duen telesailak.
"Eguerdi on", Euskaltzaindiak ez du "gibel egin" eta hainbat hitz hiztegiratu ditu
Azken sei hilabeteetan, Euskaltzaindiak 774 forma berri jaso ditu bere hiztegian, "eguerdi on" eta "gibel egin" tartean, 1.635 forma zuzendu edo osatu ditu eta hiru sarrera kendu ditu. Guztira, 52.091 forma jasotzen ditu orain "Euskaltzaindiaren Hiztegia"k.
Fermin Leizaola etnografoa zendu da
81 urte zituen Euskal Herriko artzaintzaren kultura ikertu eta dokumentatu zituen gizonak. Aranzadiko Etnografia saileko zuzendari izan zen, 45 urtez, eta Eusko Ikaskuntzaren Manuel Lekuona saria jaso zuen 2018an.
Gerediaga Elkarteak 60. urteurrena ospatuko du
Ekitaldia egin du larunbat honetan Abadiñoko Gerediaga auzoaren zelaietan, 1965an elkartea abiatu zuten leku berean, alegia. Gainera, Gotzon Gomez elkartearen presidente berriak Nerea Mujikaren lekukoa hartu du, 22 urteren ondotik.
Fermin Muguruza: ''Etortzen den jendeak zerbait historikoa bizi izan duela jakitea nahi dugu''
Ia dena prest dago Donostiako Anoeta estadioan larunbat honetan 30.000 lagun inguruk Fermin Muguruzaren kontzertuaz gozatzeko. Irungo musikariak zalantzan daudenak animatu nahi izan ditu oraindik eskuragarri dauden sarrera apurrak eros ditzaten.
J.Martina, Dupla, Janus Lester eta Leire Martínez Saguesen, Donostiako Aste Nagusian
Abuztuaren 9tik 16ra egingo da aurtengo Donostiako Aste Nagusia. Gainera, Mikel Anterok egindako kartela ere aurkeztu dute dagoeneko.
''Odol Ilargia'' bost ataleko euskarazko fikzioa filmatzen hasi dira, Bizkaian
Baleukok eta EITBk ekoitzita, publiko gazteari zuzenduta dago eta elementu fantastikoekin osatutako thrillerra da. David R. Losada zinemagilea da zuzendaria, eta gidoia ere berak idatzi du, Mikel Alvarez Sarriegirekin batera. 2026an estreinatuko da PRIMERAN plataforman.
Brian Wilson zendu da, The Beach Boys taldearen sortzaileetako bat
Iazko otsailean jakin zen Wilsonek, Melinda emaztea galdu berri zuenak, "desordena neurokognitibo larriak" zituela, eta, ondorioz, senideek izendatutako bi medikuren zaintzapean jarri behar izan zutela.
San Migel santutegiko ateak lagunduta egingo du Pasaiatik Aralarrerako bidea
"Erromesaldi herrikoia" egingo dute ekainaren 9tik 15era Albaola Itsas Kultur Faktorian zaharberritutako atea Aralarko San Migelera eramateko. Atea 2024ko urrian apurtu zuten, eraso bandaliko batean.
''Kaleak musikaz betetzeko'', zortzi piano atera dituzte kalera Bilbon
Edonork jo ditzake, eta Santiago katedralaren atarian, Plaza Barrian, Arriaga Antzokiaren plazan, Pedro Ibarretxe kalean, Arbieto/Diputazio kalean, Arrikibar plazan, terrorismoaren eta indarkeriaren biktimen omenezko monumentuan eta Guggenheim Museoan jarri dituzte.