Jose Luis Zumeta margolaria hil da
Jose Luis Zumeta margolari gipuzkoarra hil da 81 urterekin, informalismoa, espresionismo abstraktua eta arte figuratiboa landu zituen ibilbide oparo baten ostean.
Usurbilen jaiotako margolaria erabiltzen zituen kolore biziengatik da ezaguna, eta euskal kulturaren une garrantzitsuetan parte hartu zuen, Gaur taldearen eta Ez Dok Amairuren sorreran, besteak beste.
Zumetak oso gaztetatik lortu zuen arrakasta; Madrilen Margolari Gazteen Urrezko Domina irabazi ondoren, hortik aurrera bere ibilbidean goraka egin zuen, eta Parisen, Stockholmen, Londresen… aritu zen.
Sona handiko artistez inguratuta (Oteiza, Txillida, Basterretxea, etab.), errekonozimendu handia lortu zuen Euskal Herrian Picassoren Guernicari egindako omenaldiagatik.
70eko eta 80ko hamarkadetan erakusketak egin zituen hainbat herrialdetako arte galerietan, hala nola, Mexikon, AEBn, Alemanian, Txekiar Errepublikan, Madrilen eta Bartzelonan, eta Bilboko Arte Ederren museoak erakusketa antologikoa eskaini zion 1989an.
Zumeta, Durangoko Azokarako egin zuen kartelarekin. Argazkia: EiTB
Frankismoaren biktimen omenezko erakusketa ibiltaria etorri zen ondoren, bai eta San Telmo museoan eta Gasteizko ARTIUM Arte Garaikidearen Euskal Zentro-Museoan bi atzerabegirako ere.
Geroago, XX. mendearen amaieran, Picassoren Guernicaren beste bertsio handi bat egin zuen, eta New Yorken ere egin zuen erakusketaren bat.
Mihiseez gain, margolari gipuzkoarrak Mikel Laboaren diskoen azalak eta bestelako kartelak ere egin zituen.
Hemen duzue Bilboko Lumbreras galerian egin zuen erakusketaren harira ETBn egin zioten elkarrizketa, 80 urte betetzear zituenean.
Zure interesekoa izan daiteke
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.