Guggenheimek 2024an hartuko ditu Arte Pop, Giovani Anselmo, Yoshitomo Nara edo Steve McQueenen erakusketak
Guggenheim Bilbao Museoko arduradunak lanean ari dira 2024an, besteak beste, Giovanni Anselmori, Pop Artearen piezei, Martha Jungwirthi, Yoshitomo Narari, Hilma af Klinti eta Steve McQueeni eskainitako erakusketak hartzeko.
Museoak 453.487 bisitari izan ditu aurtengo lehen bost hilabeteetan, 2022an baino % 24 gehiago eta historiako hirugarren daturik onena.
Guggenheim Bilbao Museoaren Fundazioaren Patronatua gaur bildu da. Guggenheimetik jakinarazi dutenez eta haren arduradunek baloratu dutenez, pandemiaren ostean "normaltasunera itzulita", atzerriko bisitariak berreskuratzen ari da; izan ere, aurten sei puntu handiagoa da data berean 2022an metatutakoa baino, hau da, bisitari guztien % 54. Frantzia jatorrizko herrialde gisa nabarmentzen da, eta, ondoren, Erresuma Batua eta Alemania.
Patronatuaren saio honetan, 2024rako lantzen ari diren erakusketa-proiektuak jakinarazi zaizkie patronatua osatzen duten kideei, hala nola Giovanni Anselmo Povera Arteko sortzaile italiarrari eskainitakoa, June Cresporen eskultura-praktikaren aurkezpena, edo Solomon R. Guggenheim Museumetik datozen Pop Artearen pieza historikoei eskainitako erakusketa, lan berrien ondoan jarriak.
Horiez gain, Martha Jungwirth austriarraren pintura, "mundu fisikoari lotutako lengoaia abstraktu propioa sortu duena", Yoshitomo Nara japoniarraren osoko ibilbidea, Hilma af Klint artista suediarraren pintura eta marrazki "ausart, koloretsu eta aitzindariak" eta Steve McQueenen lan berrienaren aurkezpena, zerrendatu dituzte Guggenheimetik.
Gainera, Film & Video aretora zuzenduta, bi proiektu garatzen ari dira, bata Metahaven bikote holandarraren eta bere 'Kaosaren teoria' lanaren inguruan eta bigarrena Anthony McCall egile britainiarraren eta bere instalazio "enblematikoenetako" baten inguruan, 'Split Second'.
Zure interesekoa izan daiteke
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.