Vidartek "esker onez eta kontent" utziko du Guggenheim
Juan Ignacio Vidarte Guggenheim Bilbao Museoko zuzendaria prentsaurrera agertu da gaur goizean, asteartearekin, Bilboko museoko entzunaretoan, zuzendaritza uzteko erabakiaren inguruan zertzelada batzuk emateko; Vidartek atzo jakinarazi zion Fundazioko Patronatuari museoaren gidari izateari uzteko deliberoa.
Proiektuak jaso dituen "babes, errespetu eta konfiantzarekin esker onez" utziko du zuzendaritza Vidartek, eta "kontent" agertu da, halaber, "lantalde oso baten talde lanak ahalbidetu baitu duela hogeita hamar urte museoa sortu zenean ezarri ziren helburuak betetzea".
Vidartek, 1997an inauguratu zutenetik Guggenheimek izan duen zuzendari bakarrak, museoarekin lotuta jarraituko du, patronatuan funtzio "ez-exekutiboak" betetzen, eta "zuzendari emeritu" kargua izango du.
Postua uzteko erabakia "hausnartua" dela esan du Vidartek gaurko agerraldian; 2017an hasi zen horretan pentsatzen, museoaren inaugurazioaren 20. urteurrenean, baina pandemiak atzeratu zuen, bihotzak baino gehiago ("bihotzak jarraitzeko esaten zidan"), buruak agindu dion erabakia.
Prozesu "irekia eta publikoa"
Vidartek iragarri du museoko zuzendaritza aldatzeko prozesua "irekia eta publikoa" izango dela, eta Antonia Josten alemaniar enpresak kudeatuko duela. Hautaketa batzorde bat eratuko dute gero, erakundeen zein museoaren ordezkariek eta Vidartek berak osatua, eta horrek hartuko du azken erabakia.
Hautaketa prozesua ekainaren 3an abiatuko da, eta hainbat hilabete iraungo du. Asmoa da hautagaia edo hautagaiak urri erdialderako aurkeztea hautaketa batzordeari.
Vidarteren hitzetan, "kualifikazio handiko pertsona bat" bilatuko dute, "maila altuko ibilbide profesional egonkorra duena eta Guggenheimen buruan 10 edo 15 urte egiteko ahalmena izango duena".
Museoko zuzendariaren esanetan, "garrantzitsua" izango da bere ondorengoak euskaraz jakitea, "baina ez ezinbestekoa", eta ez da erabakigarria izango ez pertsona horren generoa ("ez dago plan zehatzik nire ondorengoa emakumea izateko", adierazi du) ezta museoa Urdaibaira zabaltzeko proiektuaren aurrean ("indarrean dagoen egitasmoa da, baina erakundeen arteko adostasunik ezak dio aurrera egitea ahalbidetzen", esan du) duen jarrera ere.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.