Juan Ignacio Vidartek Guggenheim Museoko zuzendari izateari utziko dio urte amaieran
Juan Ignacio Vidarte Guggenheim Bilbao Museoko zuzendari nagusiaren ustez, "hiru hamarkadatan zabaldu den zikloa ixteko unea iritsi da, eta bere ardura da erakundean garai berri bat irekitzea, lekukoa hartu eta museoa etorkizunera eramango duten beste begirada eta esperientzia batzuk tokia izateko, planteatzen zaizkion erronkei aurre eginez".
Guggenheim Bilbao Museoaren Fundazioaren Patronatua astelehen honetan bildu da, Iñigo Urkullu lehendakaria buru dela, eta honako buruzagi hauek izan dira batzarrean: Elixabete Etxanobe, Bizkaiko ahaldun nagusia eta Fundazioaren Batzorde Exekutiboko presidentea; Bingen Zupiria, Eusko Jaurlaritzako Kultura eta Hizkuntza Politikako sailburua; Leixuri Arrizabalaga, Euskara, Kultura eta Kiroleko foru diputatua; Juan Maria Aburto, Bilboko alkatea; Jon Azua, Solomon R. Guggenheim Foundationen Patronatuko erakundeen ordezkaria, eta Fundazioaren gobernu-organo gorena osatzen duten enpresa eta erakundeen ordezkariak.
Bilkuraren amaieran, organoak ohar baten bidez jakinarazi duenez, Juan Ignacio Vidartek museoaren zuzendaritzan trantsizioa hastea proposatu dio Patronatuari, eta prozesu hori aurten abiatuko da.
Erabaki horrekin 32 urteko ibilbideari amaiera emango dio Vidartek; 1992an Juan Ignacio Vidarte Guggenheim Bilbao Museoa abian jartzeaz arduratuko zen Partzuergoko zuzendari izendatu zutenetik, eta 1996an orain arte zuzendari nagusi izan den lehen eta bakarra bihurtu zenetik.
"Duela 30 urte baino gehiago hasi zen ziklo bat bukatu da, anbizio handiko proiektu ia utopiko honen garapenarekin, hura gidatuko zuen talde baten sorrerarekin eta garai hartan ez zegoen museo desberdin bat martxan jartzearekin eta, aldi berean, herrialde baten irudia eta nahiak aldatzen laguntzearekin", azpimarratu du Vidartek.
Ordezkapen prozesua amaitzean, egungo zuzendari nagusiak Guggenheim Bilbao Museoari lotuta jarraituko du zuzendari emeritu gisa, eta Guggenheim Fundazioari lotuta museoekin lotutako nazioarteko ekimen estrategikoetan.
Vidartek prentsaurrekoa emango du astearte honetan, maiatzaren 21ean, 10:30ean, Guggenheim Bilbao Museoan.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.