Jazzaldiak agertoki berria izango du Konstituzio plazan
Heineken Donostiako Jazzaldiaren 51. edizioak agertoki berri bat izango du hiriaren erdialdean: Konstituzio plazan “Jazzetik soulera” izenburuko agertokia paratuko dute, eta hamaika taldek musika “eskuragarria” eskainiko dute bertan.
Espazio berria, beraz, Jazzaldian dagoeneko zuzeneko musika hartzen duten 20 tokiei batuko zaie: Haizearen Orrazia, Okendo plaza, Basque Culinary Center…
Agertokia Alde Zaharrean egotea “oinarrizkoa” da, eta “hazi egin nahi duen jaialdi baten eskaintza artistikoa ugaritu eta hobetuko du”, Miguel Martin zuzendariak esan duenez.
Uztailaren 22, 23, 24 eta 25ean, 19:00etatik aurrera, Liburutegi Nagusiaren ondoan jarriko duten oholtzak “jazzetik abiatuta soulera heltzen den programazioa” hartuko du, Martinen hitzetan.
Saio guztien amaieran, DJ Labelle Reunion uharteko disko-jartzailea arituko da Indiako Ozeanoko herrialde horretako soinuak, dantzarako musika eta afrikar eta indiar soinuak uztartuz.
Agertokiko programazioa Organ Summit Phil Wilkinson eta Ben Peterson Hammond organoen jotzaileen bikoteak zabalduko du, uztailaren 22an. Haien atzetik, Sky Beats 2013tik Jazzaldiarekiko hitzorduari huts egin ez dion donostiar taldeak joko du.
Uztailaren 23ko programazio zerrenda, bestalde, Edmon Bilal Band saxo, bateria, baxu eta teklatu laukoteak eta Broken Brothers Brass Band New Orleanseko metal soinuetara gerturatzen den iruindar taldeak osatuko dute.
Paul San Martin donostiar pianista eta abeslariak, Romain Gratalon bateriak lagunduta, eta The Bronson Zaragozako taldeak itxiko dute agertoki berriko eskaintza uztailaren 24 eta 25ean.
Zure interesekoa izan daiteke
Leire Martinezek 13.000 lagun bildu ditu Abandoibarran, gau ahaztezin batean
Abeslari donostiarrak bere bakarkako ibilbidearen lehen lana aurkeztu du Aste Nagusian: “Historias de aquella niña”. Emozioz eta nostalgiarako tartez betetako kontzertua izan da, aro berri bati ekiteko.
Zea Maysek jendetza bildu du Abandoibarran rock doinuekin
Elektrizitatea abestiak jendea saltoka eta kantuan jarri du, gaueko unerik txalotuenetako batean. Kontzertuak Francis Diez Doctor Deseo taldeko abeslariaren parte-hartzea izan du, eta elkarrekin abestu dute Corazón de tango abestia.
ETSk Bilbon emango duen kontzertua abuztuaren 25era aurreratu dute, ikuskizunetako teknikarien greba dela eta
Hasiera batean abuztuaren 26rako aurreikusita zegoen En Tol Sarmiento taldearen kontzertua datorren asteartean izango da azkenean, taldeak eta Bilboko Udalak aldaketa adostu ostean.
Natxo de Felipe berriro oholtzara igo da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.