Guns N' Roses 21:30ean irtengo da San Mameseko agertokira
Ausarta da zalantza izpirik gabe baieztatzea, Axl Rose kantariak arestian bildutako atzerapen ernegagarrien zerrenda luzearen ondorioz, baina Guns N’ Roses taldeak Bilbon, San Mames estadioan, eskainiko duen kontzertuaren antolatzaileek iragarri dute kaliforniar taldea 21:30ean irtengo dela oholtzara, Athleticen zelai berriak inoiz hartu duen lehen kontzertua izango denean.
Nolanahi den, berandutze horiek antzinako kontuak direla ematen du; izan ere, taldeak zorroztasunez bete ditu ezarritako ordutegiak “Not in this lifetime tour” 2016ko apirilaren 1ean Los Angeleseko Troubador aretoan abiatutako biraren Amerikako, Asiako eta Ozeaniako emanaldietan. Hain zuzen ere, bira horren kariaz, berriz ere agertoki berean elkartu dira Slash gitarrista, Duff Mckagan baxu-jotzailea eta Axl bera, taldearen boskote mitikoaren hiru kide, 23 urtez muturtuta egon eta gero.
Estatubatuar taldearen emanaldi indartsua 21:30ean abiatuko da, beraz, baina estadioaren ateak 18:00etan irekiko dituzte, eta 19:30ean hasiko da giroa berotzeko zeregina beteko duten bi taldeen lana: Tyler Bryant & The Shakedown eta Mark Lanegan Band, zeinaren buru bakarkako ibilbide oparoa duen estatubatuar artista baitago, Screaming Trees eta Queens of the Stone Ageko kide ohia.
“Garaiz bertaratu”
Kontzertuaren antolatzaileek San Mamesera garaiz joatea aholkatu dute, segurtasun neurri zorrotzak izango baitira ezbeharrak ekiditeko helburuarekin.
Gainera, sarreran miaketak egingo dituztela aurreratu dute; izan ere, ezingo da estadiora sartu aterki handirik, selfiak egiteko makilarik, objektu zorrotzik, motxilarik, poltsarik edo “arriskutsua edo gogaikarria izan litekeen bestelako gairik”
Euririk egitekoan, zirak edo txanoak erabiltzeko gonbita egin dute, ezingo baita euritakorik sartu.
Halaber, kontzertuaren egunean garraio publikoa erabiltzea ere eskatu dute, eta gogora ekarri dute Metro Blbaok zerbitzu berezia jarriko duela martxan ordubetez, kontzertua bukatutakoan (23:45 aldera, aurreikuspenen arabera).
Zure interesekoa izan daiteke
Olaia Inziartek "Gereziak" grabatu du, BOSekin batera
Nafar musikariak "Lehengo lepotikan burua" diskoko kantua grabatu du gaur goizean Bilbao Orkestra Sinfonikoko musikariekin batera, Fernando Velazquezen gidaritzapean. Ura Bere Bidean kontzertuan parte hartuko du urriaren 22, 23 eta 24an.
Pantxoak eta Peiok jaso dute aurtengo Adarra saria, Donostiako Victoria Eugenian
Epaimahaiaren arabera, Pantxoak eta Peiok 60ko hamarkadatik gaur arte “kantuaren plazera” gozarazi diete hainbat belaunaldiri, interpretazio zainduak, melodia kantagarriak eta konpromiso soziala uztartuta. Saritutako bikoteak emanaldia egin du saria jaso eta gero.
Zetak taldeak hiru egun iragarri ditu Gasteizen "Km0" ikusteko: urtarrilaren 16a, 22a eta 23a, Buesa Arenan
Iragarpenak ikusmin handia piztu du taldearen jarraitzaileen artean, eta Zetaken ibilbidean etapa berri bati hasiera emango dion proiektuari buruzko informazio gehiago jasotzeko zain daude. Sarrerak igande eguerdian jarri dituzte salgai.
Guztira 270.000 ikuslek egin zuten bat ETB2n eta ETB ONen San Mameseko "Mitoaroa III" ikuskizun historikoarekin
Mitoaroa trilogiaren amaierako kontzertu handia ikusgai dago ETB ONen eta PRIMERANen, berriro ikusi nahi dutenentzat edo zuzenekoa galdu zutenentzat.
Zetak taldeak 'Km0' ikuskizun berria eskainiko du urtarrilaren 23an Buesa Arenan
Sarrerak eguerdian jarri dituzte salgai, eta ikuskizun berriak ikusmin handia piztu du jarraitzaileen artean, informazio gehiago jasotzeko zain baitaude. Proiektu horrek etapa berri bat abiatuko du taldearen ibilbidean.
'Mitoaroa III' ikuskizunarekin San Mames lehertu ondoren, hurrengo proiektuari begira jarri da Zetak: 'Km0'
Ekaitzak emanaldiaren hasiera ordubete atzeratu arren, Mitoaroa III ikuskizunak, bigarren egunez jarraian, aho zabalik utzi ditu bart 40.000 zale San Mamesen. Erresistentziaren eta herri nortasunaren aldeko aldarrikapenekin, amaitutzat eman du trilogia Pello Reparazek. Ikuskizuna osorik dago ikusgai ETB ONen.
Zetakek beste ikuskizun bat iragarri du 2027ko urtarrilerako, eta sarrerak 12:00etan jarriko dituzte salgai
Mitoaroa III kontzertua ETBOnen ikus daiteke berriz osorik. Proiektu berriak "Km0" izena du, eta urtarrilean iritsiko da. Ez dute jakinarazi emanaldia non izango den, baita zer nolako ezaugarriak izango dituen ere. 12:00etan amaitzen da zetakkmzero.eus webgunean jarri duten atzera kontaketa: orduan argituko da misterioa.
1998an Rolling Stones taldeak bertan behera utzi zuen San Mameseko kontzertua
San Mames gau historiko baterako prest zegoen 1998ko ekainaren 18an, baina Rolling Stones taldeak kontzertua eman behar zuen egun berean bertan behera utzi zuen azken orduan, Mick Jaggerren laringitis baten eraginez. 2003an itzuli ziren, eta San Mames bete eta ikuskizun handia eskaini zuten.
?fmt=webp-alpha&qlt=80)
Zetakek erresistentziaren, oroimenaren eta irudimenaren gotorleku bilakatu du San Mames
2084an kokatutako distopia futurista baten bidez, musika, antzerkia, ikus-entzunezkoak eta performancea uztartu zituen bart Zetak taldeak San Mamesen, 40.000 ikusleren aurrean. Une hunkigarrienetakoa Jose Angel Iribarrek eta Inaxio Kortabarriak estadioko pasabide nagusia zeharkatu zutenekoa izan zen, ikurrina eta Nafarroako bandera eskuetan hartuta, 1976ko Atotxako desobedientzia-ekintza gogora ekarriz.
'Mitoaroa III', ikusmin handia ikusleen artean
Milaka lagun hurbildu dira San Mamesera Zetak taldeak prestatu duen ikuskizunaz gozatzeko. Guztira, 80.000 lagunek gozatuko dute “Mitoaroa III” esperientzia bereziaz.