Bilbao BBK Livek zuzeneko 6 kontzertu prestatu ditu Kobetamenditik
Bilbao BBK Live UDA jaialdiaren edizio bereziak ostegun honetatik larunbatera arte hiru gauez zuzeneko musika eskainiko du streaming bitartez. Kontzertuak Kobetamenditik izango dira, eta bertan parte hartuko dute El Columpio Asesino, John Talabot, Dora, Amorante, Yawners eta Katza artistek. Artista horiek amaitu ostean, hainbat djren emanaldiak ere eskainiko dira, eta baita, Pantomima Fullek girotuta, aurreko edizioetako ikuskizunak ere.
Jakinarazpen batean, Last Tourrek, jaialdiaren sustatzaileak, emankizunak gaueko 21:00ak aldera hasiko direla, eta web orrialde ofizialaren bitartez, zein YouTubeko kanalaren bitartez jarraitzeko aukera izango da. Hiru jardunaldietako plater nagusia Kobetamendira igoko diren artisten kontzertuak eta haien osteko dj sesioak izango dira.
Emankizunez gain, jaialdiak “Bilbao BBK Live jaialdiaren 14 edizioetan izan diren kontzertu istorikoak, eta orain arte emititu ez direnak” programatu ditu.
Aldi berean, sustatzaileak 2021eko ediziorako sarrerak salgai daudela gogorarazi du. Oraingoz, kartel nagusian The Killers, Pet Shop Boys, Bad Bunny, Bicep Live, Bomba Estéreo, Caribou, FKA twigs, Fontains D.C., Meute, Supergrass, El Columpio Asesino eta León Benaventeren kontzertuak baieztatu dira, eta “laster artista gehiago argituko dira”.
Ongintzarako eskumuturrekoak
Bilbao BBK Live esperientzia guztiz osatzeko eta izaera bizirik mantentzeko, jaialdiak hainbat koloretako eskumuturrekoak jarri ditu salgai. Kolore bakoitzak “jarraitzaileen eta Bilbao BBK Livearen arteko harremana ondoen islatzen duten hura gogorarazi nahi dute: laguntasuna, maitasuna, esperantza, jakinduria, desira, zoriontasuna eta lasaitasuna”.
Jasotako diru guztia banatu egingo da: %50a eszenatokiaren muntaiaz arduratzen direnentzat eta jaialdiaren antolaketa logistikoan lan egiten dutenentzat izango da, eta gainerako %50a Bizkaiko Janari Bankura bideratuko da. Eskumuturrekoak ere web orrialdearen bidez eros daitezke.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.