Abian da Urmuga mendi ibilaldi musikatua
Gaur abiatu da Urmuga, tontorrik tontor Euskal Herria mendebaldetik ekialdera lotuko duen jaialdia, uztailaren 31ra arte. Hemeretzi egunez, beste hainbeste mendi ibilaldi eta hamahiru kontzertu eskainiko ditu ekimen honek, Tologorritik Hiru Erregeen Mahaira.
Lau eta hamaika ordu bitarteko mendi bueltak prestatu dituzte antolatzaileek mendizaleentzat, eta bide horretan formatu handiko bederatzi kontzertu (sarrerak, 20 euroan) eta formatu txikiko lau (sarrerak, 15 euroan) izango dira.
Kontzertuetan, Et Incarnatus orkestrako hamabost bat musikari izango dira gailur, muino eta herrietan, eta horiekin batera arituko dira, esaterako, Donostiako Orfeoia, Mixel Etxekopar, Olatz Salvador, Dupla, Niko Etxart, Alos Quartet, Maider Zabalegi, Nerea eta Gorka Urbizu, Anari, Josu Zabala, Idoia Asurmendi, Ruper Ordorika, Chill Mafia, Mikel Urdangarin, Amorante eta Nøgen.
Hilaren 13an Tologorrin (15:00) Donostiako Orfeoia, Mixel Etxekopar, Noemi Viana dantzaria eta François Rose arituko dira; 15ean Abadiñon (18:00) Olatz Salvador, Maddi Oihenart, Niko Etxart eta Dupla; 16an Diman (18:00), Maider Zabalegi eta Urbil Artola, Ekiza, Nøgen, Juantxo Arakama, Xabier Leturia eta Eneko Dorronsoro; 17an Aramaion (13:30) Eñaut Zubizarreta txelo-jotzailea, Julio Soto eta beste hainbat bertsolari; 18an Urbian (13:00) Alos Quartet eta Oñatin (18:00) Maider Zabalegi, Alex Sardui, Petti eta Ekiza.
Programazioak uztailaren 19an jarraituko du Zegaman (18:00). Han egongo dira Nerea eta Gorka Urbizu, Mattin Lerisa eta Zegamako abesbatzak; 21ean Aizpearron (18:00) Anari, Josu Zabala, Miren Narbaiza, Maialen Lujanbio, Eli Pagola, Donostiako Orfeoia, Idoia Asurmendi eta Baigorriko Gaiteroak; 23an Andoainen (18:00) Aitor Mendiluze, Mikel Moreno, Xendarineko Ahizpak, Idoia Asurmendi, Niko Etxart eta Juantxo Arakama; 25ean Baigorrin (19:00) Tenpora, Ruper Ordorika, Chill Mafia, Donostiako Orfeoia, Gorka Benitez Quartet, Miren Narbaiza, Alex Sardui eta Baigorriko Gaiteroak; 27an Salbatore baselizan (17:00) Gorka Benitez Trio; eta 28an Larrainen (18:00) Mikel Urdangarin, Xiberoots, Ningra eta Haizea eta Amorante.
Programazioa bukatzeko, uztailaren 29an Erremendian Chill Mafia, Mikel Urdangarin, Leturiatarrak, Nøgen eta Donostiako Orfeoia eta Baigorriko Gaiteroak izango dira; lehenago, 12:30ean, Orfeoiak Orhi mendian joko du; eta Orfeoiak berak itxiko du jaialdia hilaren 30ean, Otsagi-Muskildako baselizan.
Sarrerak salgai daude Urmuga jaialdiaren webgunean.
Zure interesekoa izan daiteke
Donostiako Jazzaldiak David Murray, Joe Lovano eta Miguel Martín sarituko ditu
Uztailaren 22tik 26ra, 77 kontzertu eskainiko ditu Donostiako musika jaialdiak; 47, doakoak. Bi saxofonista handiek eta 1984tik 2026ra Jazzaldia zuzendu duen pertsonak jasoko dituzte Ohorezko sariak.
Olaia Inziartek "Gereziak" grabatu du, BOSekin batera
Nafar musikariak "Lehengo lepotikan burua" diskoko kantua grabatu du gaur goizean Bilbao Orkestra Sinfonikoko musikariekin batera, Fernando Velazquezen gidaritzapean. Ura Bere Bidean kontzertuan parte hartuko du urriaren 22, 23 eta 24an.
Pantxoak eta Peiok jaso dute aurtengo Adarra saria, Donostiako Victoria Eugenian
Epaimahaiaren arabera, Pantxoak eta Peiok 60ko hamarkadatik gaur arte “kantuaren plazera” gozarazi diete hainbat belaunaldiri, interpretazio zainduak, melodia kantagarriak eta konpromiso soziala uztartuta. Saritutako bikoteak emanaldia egin du saria jaso eta gero.
Zetak taldeak hiru egun iragarri ditu Gasteizen "Km0" ikusteko: urtarrilaren 16a, 22a eta 23a, Buesa Arenan
Iragarpenak ikusmin handia piztu du taldearen jarraitzaileen artean, eta Zetaken ibilbidean etapa berri bati hasiera emango dion proiektuari buruzko informazio gehiago jasotzeko zain daude. Sarrerak igande eguerdian jarri dituzte salgai.
Guztira 270.000 ikuslek egin zuten bat ETB2n eta ETB ONen San Mameseko "Mitoaroa III" ikuskizun historikoarekin
Mitoaroa trilogiaren amaierako kontzertu handia ikusgai dago ETB ONen eta PRIMERANen, berriro ikusi nahi dutenentzat edo zuzenekoa galdu zutenentzat.
Zetak taldeak 'Km0' ikuskizun berria eskainiko du urtarrilaren 23an Buesa Arenan
Sarrerak eguerdian jarri dituzte salgai, eta ikuskizun berriak ikusmin handia piztu du jarraitzaileen artean, informazio gehiago jasotzeko zain baitaude. Proiektu horrek etapa berri bat abiatuko du taldearen ibilbidean.
'Mitoaroa III' ikuskizunarekin San Mames lehertu ondoren, hurrengo proiektuari begira jarri da Zetak: 'Km0'
Ekaitzak emanaldiaren hasiera ordubete atzeratu arren, Mitoaroa III ikuskizunak, bigarren egunez jarraian, aho zabalik utzi ditu bart 40.000 zale San Mamesen. Erresistentziaren eta herri nortasunaren aldeko aldarrikapenekin, amaitutzat eman du trilogia Pello Reparazek. Ikuskizuna osorik dago ikusgai ETB ONen.
Zetakek beste ikuskizun bat iragarri du 2027ko urtarrilerako, eta sarrerak 12:00etan jarriko dituzte salgai
Mitoaroa III kontzertua ETBOnen ikus daiteke berriz osorik. Proiektu berriak "Km0" izena du, eta urtarrilean iritsiko da. Ez dute jakinarazi emanaldia non izango den, baita zer nolako ezaugarriak izango dituen ere. 12:00etan amaitzen da zetakkmzero.eus webgunean jarri duten atzera kontaketa: orduan argituko da misterioa.
1998an Rolling Stones taldeak bertan behera utzi zuen San Mameseko kontzertua
San Mames gau historiko baterako prest zegoen 1998ko ekainaren 18an, baina Rolling Stones taldeak kontzertua eman behar zuen egun berean bertan behera utzi zuen azken orduan, Mick Jaggerren laringitis baten eraginez. 2003an itzuli ziren, eta San Mames bete eta ikuskizun handia eskaini zuten.
?fmt=webp-alpha&qlt=80)
Zetakek erresistentziaren, oroimenaren eta irudimenaren gotorleku bilakatu du San Mames
2084an kokatutako distopia futurista baten bidez, musika, antzerkia, ikus-entzunezkoak eta performancea uztartu zituen bart Zetak taldeak San Mamesen, 40.000 ikusleren aurrean. Une hunkigarrienetakoa Jose Angel Iribarrek eta Inaxio Kortabarriak estadioko pasabide nagusia zeharkatu zutenekoa izan zen, ikurrina eta Nafarroako bandera eskuetan hartuta, 1976ko Atotxako desobedientzia-ekintza gogora ekarriz.