ETSk lau orduan agortu ditu bigarren kontzerturako sarrerak eta hirugarren bat iragarri du
En Tol Sarmientok (ETS), lau orduan, bere 20. urteurreneko bigarren kontzerturako 15.000 sarrerak agortu ditu, joan den ostegunean lehen emanaldiko txartel guztiak saldu ondoren.
Jarraitzaileen babes horren aurrean, taldeak hirugarren eta azken kontzertu bat iragarri du, 2025eko martxoaren 15ean, larunbata, Barakaldoko (Bizkaia) BECen, Last Tourrek jakinarazi duenez.
Kontzertu berrirako sarrerak astearte honetan bertan jarri dira salgai, 18:00etan, lasttour.org eta entolsarmiento.com webguneetan. Aurrekoetan bezala, 12 urtetik beherakoek salneurri murriztuko txartelak izango dituzte eskuragarri.
"Ez dugu hitzik. Biziki eskertzen diegu babesa ematen ari diren guztiei. Denbora asko beharko dugu egun hauetan gertatzen ari dena barneratzeko. Argi dugun gauza bakarra da gure 20. urteurrenerako zerbait berezia prestatuko dugula", azaldu du ETSk.
Zure interesekoa izan daiteke
Alejandro Espinosa, pianoen doinua zaintzen duen profesionala
BIMEk musika arloko ehunka profesional bildu, eta 70 kontzertu eskainiko ditu Bilbon
Honela trebatzen dira kantu klasikoko belaunaldi berriak Donostiako Musikene zentroan
Latzen taldearen "Laztana" kantuak 30 urte bete ditu
Exkixuren bideoklip berria: “Amaiur” (2026)
Exkixu taldea itzuli da
Igor Arzuaga musikaria zendu da
Nøgen taldeak azken diskoa eta agur bira iragarri ditu
The National taldea Kursaalen izan da gonbidatu askorekin batera
