17.235 kultur ekitaldi eskaini ziren iaz EAEn, aurreko urtean baino % 6 gehiago
17.235 ekitaldi programatu ziren 2023an Euskal Erkidego Autonomoan, aurreko urtean baino % 6 gehiago. Bereziki, kontzertuak (5.569) eta antzerki-ekitaldiak (4.562) eskaini ziren, eta horietatik, % 27 eta % 41 izan ziren euskaraz, hurrenez hurren. Kultur-diziplina guztietan hazi egin zen emanaldi kopurua, aurreko urteko datuekin alderatuta, bertsolaritzan eta antzerkigintzan izan ezik: bertso-saio kopuruak % 9 egin zuzen behera, eta antzerki ikuskizunek, % 2,8.
'EAEko kultura programazioaren azterketa. 2023. urtea' txostena argitaratu du gaur Kulturaren Euskal Behatokiak, eta ondorioetako batzuk horiek dira. 2023an Araban, Bizkaian eta Gipuzkoan programatutako kultur-ekitaldien datuen azterketa egin da —Kulturklik atariaren agendan jasota daudenak hartu dituzte kontuan—. Ekitaldi motaren, hizkuntzaren edota eskaini den lurraldeari buruzko informazioa eta alderaketa jaso dira.
Aipatu bezala, musika-emanaldiak antolatu ziren gehien, 5.569 guztira, aurreko urtean baino % 6 gehiago. Horietako % 27tan euskara izan zen erabili zen hizkuntza. Bizkaian programatu ziren kontzertu gehienak.
Antzerkiari dagokionez, berriz, 4.562 ekitaldi programatu ziren, 2022an baino % 2,8 gutxiago. Emanaldi horien erdia baino gehiago, Bizkaian. Funtzioen % 44,1 gaztelaniaz izan ziren eta % 41,2 euskaraz. Taularatutako funtzioen % 43 haurrei edota familiei zuzenduta zeuden.
Gainerako disziplinei dagokienez, 845 dantza-emanaldi (% 8,3 gehiago) eta 1.233 erakusketa eskaini ziren ( % 7,3 gehiago). Bertso-saioak izan zira gehien jaitsi zirenak: 1.065 antolatu ziren, aurreko jardunaldian baino 105 emanaldi gutxiago.
Zure interesekoa izan daiteke
Lau artistak Ed Sheeranen bira utzi dute Macklemoreri elkartasuna adierazteko
Aaron Rowe, Beoga, Lukas Graham eta Finneas dira. Ed Sheeranek gertatutakoari buruz hitz egin du lehen aldiz, eta adierazi du raperoa baztertzea ez zela bere erabakia izan eta Palestinako gatazkan "bi aldeetan eragindako sufrimendu eta mina" gaitzesten duela.
Macklemore rap abeslaria Ed Sheeranen biratik kanporatu dute Palestinaren aldeko aldarriak egiteagatik
Rap kantariak salatu duenez, Robert Kraft diruduna, New England Patriots taldearen jabea, da errudunetako bat; izan ere, kontzertuak izan behar ziren estadioetako jabeen artean babesa lortzea leporatu dio, estadio horietan Macklemorek ez jotzeko presioa egin zezaten.
Erramun Martikorenak "Atzar Gaiten" diskoa aurkeztu du Baigorrin
"Atzar gaiten" bere azken albumeko abestiak kantatzen entzun dugu igande honetan Erramun Martikorena Baigorrin Osasun arazoak dituen arren, 83 urterekin pozik agertzen da beti taula gainean. Ia mende erdiz, Euskal Herri osoan ibili da, baita Estatu Batuetan ere. Garai batean 35 kantaldi eskaini ohi zituen urtero, baina orain askoz gutxiago. Horregatik publikoak ez du huts egiten bere emanaldietan.
Silvio Rodriguezek Bilbo liluratu du bere abestiekin
Silvio Rodriguez kubatar musikariak kontzertua eman du larunbat honetan Euskalduna Jauregian, Bilbon. Bere ibilbide musikalaren zati bat errepasatu du bertan bildutakoen aurrean.
Silvio Rodriguezek geldialdia egin du Bartzelonan, Euskal Herrirako bidean
Kubatarrak kontzertua egin du bart Liceun, irailaren 12 eta 13an Bilboko Euskaldunan aritu aurretik.
Zuzenean: Basking Beat & Bite
Basking Beat & Bite jaialdiaren edizio berri bat egingo da abuztuaren 29an, Miami, Santiago de Chile, Helsinki eta Tbilisin aldi berean eskainiko diren kontzertuekin. Euskal musikaren egungo lau proposamen bilduko ditu programazioak: Merina Gris, Mirua, Sua eta Idoia.
ETS taldeak hankaz gora jarri du Europa parkea, "Badator Marijaia" abesten
37.000 lagun inguru Arabako taldearen kontzertuan izan dira, eta aho batez abestu dituzte kanta guztiak. ETSk harrituta utzi ditu Europa parkera joandakoak, Aste Nagusiko Badator Marijaia jo dutelako.
Dolly Parton hil da, country musikaren izar ospetsua
Abeslari eta konpositore estatubatuarra 80 urte zituela hil da. Azken hilabeteetan gaixorik ibili zen eta kontzertu batzuk bertan behera utzi zituen.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
ETS taldeak dantzan jarriko du gaur Bilbo, Europa parkeko kontzertuen lehen gauean
Hitzordua 00:00etan da, Europa Parkean. Horrez gain, beste musika proposamen batzuk ere izango dira, besteak beste, Bilboko Udal Bandaren emanaldia, Serafin Zubirirekin batera, 23:30ean, Abandoibarran.