Saldu egin dituzte La Oreja de Van Goghen kontzertuetarako sarrera guztiak, eta iragarri dute Barakaldon, Donostian eta Iruñean emanaldi gehiago egingo dituztela
Donostiako taldeak iragarri du hiru kontzertu gehiago egingo dituztela Euskal Herrian: maiatzaren 10ean, Barakaldon (BEC); abuztuaren 1ean, Donostian (Illunbe); eta azaroaren 21ean, Iruñean (Nafarroa Arena).
La Oreja de Van Gogh taldeak Euskal Herriko kontzertuetarako sarrera guztiak saldu ditu. Hala ere, Donostiako taldeak iragarri du kontzertu gehiago egingo dituela Barakaldon (maiatzak 1), Donostian (abuztuak 1) eta Iruñean (azaroak 21).
Sarrerak erosteko itxaronaldi luze baten ostean, taldearen jarraitzaileek leihatiletan salgai zeuden sarrerak guztiak erosi dituzte.
Sarrerak astelehen honetan jarri behar ziren salgai, 12:00etan, baina, azkenean, salmenta prozesua 16:00etara atzeratu da. Izan ere, eragina izan du Amazon Web Services zerbitzuen erorketak, eta ezinezkoa egin du sarrerak salerostea.
Horrenbestez, eskari handiari aurre egiteko, taldeak iragarri du bina kontzertu egingo dituela Bilbon, Donostian eta Iruñean.
Honako hauek izango dira, beraz, Euskal Herriko kontzertuen data ofizialak: maiatzaren 9an eta 10ean, Barakaldon (BEC); uztailaren 31n eta abuztuaren 1ean, Donostian (Illunbe); eta azaroaren 20an eta 21ean, Iruñean (Nafarroa Arena).
Sarrera guzti-guztiak saldu dituzte
Euskal Herriko kontzertuez gain, La Oreja de Van Gogh taldeak hamahiru kontzertu egingo ditu biran.
Hamahiru kontzertu horietatik hirutan sold out kartela ere eskegi du taldeak; Zaragoza, Madril eta Bartzelonan hain zuzen ere. Horietan ere bina emanaldi egingo dituzte.
Zure interesekoa izan daiteke
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.
ABAOk “Werther” Jules Masseneten opera taularatuko du urtea hasteko
Celso Albelo, Annalisa Stroppa, Lucía Iglesias eta Angel Odena izango dira frantziar erromantizismoaren lan gailenaren lau emanaldiotako (urtarrilak 17, 20, 23 eta 26, Euskaldunan) protagonistak.
Euskadiko Orkestrak Strauss, Brahms eta Arriaga interpretatuko ditu denboraldiko bosgarren programan
Rachel Willis-Sorensen sopranoa eta Jaime Martin flauta-jotzaile eta zuzendaria izango ditu lagun euskal orkestrak urtarrilaren 12tik 16ra Donostian, Gasteizen, Iruñean eta Bilbon egingo dituen emanaldietan.
Hamar urte David Bowie gabe
“Kameleoia” duela hamar urte zendu zen, ondare gaitz eta pizgarria utzita.
Neomak taldea, Arriagan zuzenean
"Lazturak orbain" diskoko aurkezpen bira Bilboko antzokira eraman du taldeak bart. Kantu berriez gain, bestelako abestiak ere utzi zituen gaualdiak, hala nola "Kontu zaharrak".
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.
Milaka lagunek gozatu dute Atarrabiako Aske jaialdian, "herri honen askatasuna" aldarrikatzeko
Hainbat talde eta artista elkartu dira bertan, Neomak, Merina Gris, Gozategi eta Janus Lester tartean. Antolatzaileek "herri honen askatasuna" aldarrikatu dute, "Euskal Herri aske baten soinu-banda sortzeko: euskalduna, feminista, antikapitalista eta solidarioa, besteak beste".
Perry Bamonte hil da, The Cure talde britainiarreko gitarrista, 65 urte zituela
Londresen jaio zen, 1960an, eta 19 urte zituela hasi zuen bere musika-ibilbidea baxu-jotzaile gisa. "Lasaia, bizia, intuitiboa, etengabea eta izugarri sortzailea", ingurukoen arabera, Bamonte The Cure taldeko funtsezko kidea izan zen 1990etik.